• |
ide | kryesore

Paloka i përgjigjet ftesës së Ramës për tu ulur në tryezë

Lajme, Të fundit

Kryeministri Edi Rama i bëri thrrje sërish kreut të opozitës Basha për tu ulur në një tryezë për të diskutuar daljen nga situata pas tërmetit. Në një postim në Twitter ai shkroi: “@lulzimbasha_al një pjesë e sugjerimeve të publikuara lidhur me bizneset e dëmtuara në Durrës, përkojnë me propozimet e hartuara nga kryetari i Komitetit Kombëtar të Rindërtimit & Ministrja e Financave😊 Por vazhdoj të them se refuzimi i tryezës së përbashkët është gabim i madh☹️”

Por përgjigjen e mori nga nënkryetari i demokratëve Edi Paloka që thotë se në ditën e 13-të pas tërmetit, ajo që ju duhet shqiptarëve nuk është pasurimi i albumit fotografik propagandistik i Edi Ramës me Lulzim Bashën në një tryezë.

“Ajo që kanë nevojë shqiptarët është një qeveri e përgjegjshme, një kryeministër që nuk e mbush ditën me shfaqje te shëmtuara me fatkeqët. Shqiptarëve nuk i duhet një kryeministër që shfrytëzon fatkeqësinë për të nxjerrë nga sirtari projektet me PPP korruptive për të pasuruar klientët e tij mbi gërmadhat e vdekjes. Shqiptarët duan ndihmë për njerëzit në nevojë. Shqiptarët meritojnë transparencë dhe përgjegjësi para ligjit për fajtorët. Po të triumfojë ligji mbi partinë, të parët që shkojnë në burg janë ata që lejuan banorët të futen në pallatet e Thumanës të çertifikuara të pabanueshme pas tërmetit të 21 shtatorit, nga Artur Bushi te qeveritarët e Tiranës” – shkruan Paloka.

“Edi Rama nuk mund ta mbulojë dështimin e tij me thirrje hipokrite. Ai duhet të mbajë përgjegjësi për dështimet e njëpasnjëshme që çuan në viktima dhe vuajtje pa fund. Pse emergjencat civile nuk kishin mjetet e duhura për të përballuar fatkeqësinë natyrore? Pse i bëri lekët për paisje emergjencash, gaz helmues për popullin, dhe milionat për qen kërkimi, ushqim për babëzinë e qenveritarëve të korruptuar. Pse nuk i heq 10 oligarkëve të tij 150 milionë dollarë të taksave të shqiptarëve që t’ua kalojë ato njerëzve në nevojë. Shqiptarët tani ka nevojë për vepra dhe jo për llogje. Në vend të lotëve të krokodilit, shqiptarët kërkojnë siguri nga një qeveri që di dhe ka vullnet t’i zgjidhë problemet e tyre.

Deri tani në lartësinë e kërkesave të shqiptarëve është vetëm Lulzim Basha. Në këto 10 ditë, ai ka ofruar 2 plane për kapërcimin e shpejtë të fatkeqësisë: Planin e Emergjencës për banesat e dëmtuara dhe Planin për Rimëkëmbjen e Biznesit të prekur nga tërmeti. Zgjidhjet e propozuara Edi Rama i ka mbi tryezë. Por si përherë atij nuk i intereson zgjidhja por shfaqja, nuk i interesojnë njerëzit por pushteti dhe paraja” – e mbyll Paloka. ©LAPSI.al


4 Comments

  1. Ngeli opozita me u parfaqsu nga Palok bthq ptttyyyyyy shkerdhata e shkaterrut opoziten shqiptare, vdiqen me dhjetra njerez o qelbsin

    1. Po pse qenka Paloka shkerdhate dhe jo Rama qe mbante vath ne vesh? Apo nuk e di fare se cfare do te thote shkerdhate?

  2. Eshte momenti per nje qeveri tranzitore qe te marre persiper barren e termetit , ndryshimeve kushtuese, zgjedhore,reformen ne drejtesi dhe shume reforma te tjera dhe nga tetori te na çoje ne zgjedhje te parakohshme .
    Kjo eshte zgjithja e duhur .

  3. Ti arb behu gati per protesta si tha salihu,o paloke nuk e rruan loqen rama per foto,por dhe ju mos i bini verdall tryezes,keni bythe dhe behuni te vertet thuajeni troc nuk duam te ulemi me ramen dhe pik

Lini një Përgjigje

Adresa juaj email s’do të bëhet publike.

Kthehu