Ka ndërruar jetë në moshën 82-vjeçare aktori amerikan Ron Leibman. Shkak u bënë komplikimet e shkaktuara nga inflamacioni i mushkërive. Lajmin për ndarjen nga jeta të aktorit e konfirmoi menaxheri i tij, Robert Attermann.
“Agjencia Abrams Artist është thellë e pikëlluar për lajmin që Roni ka ndërruar vendbanim. Roni ka qenë aktor jashtëzakonisht i talentuar me karrierë të dalluar në sferën e filmit, televizionit dhe teatrit. Mendimet tona janë me gruan e tij, Jessica dhe familjen e tij”, – thuhet në deklaratën e Attermann.
I lindur në New York, Leibman ka qenë i njohur për filmat “Slaughterhouse-Five”, “Where’s Poppa?” dhe “Norma Rae”. Në vitin 1993, ai fitoi çmimin “Tony Award” për aktorin më të mirë në një shfaqje dhe çmimin “Drama Desk Award” për interpretimin e Roy Cohn në filmin “Angels in America”. Ai u bë i njohur edhe me rolin e Dr. Leonard Green, babait të Rachel (Jennifer Aniston) në hit serialin televiziv, “Friends”.
