• |
ide | kryesore

Agron Tufa: U kërkova ndihmë Ambasadave, por nuk m’u përgjigjën

Arkiva, Lajme, Të fundit

Prej disa muajsh ish-drejtori i ISKK Agron Tufa kanosej nga ithtarët e regjimit të vjetër. Ai ka kërkuar azil politik në Zvicër. Tufa i tha DW se “I pavarur dhe në liri, shpresoj të flas e të dëshmoj më troç”.

Në fillim të dhjetorit u bë e ditur, fillimisht nëpërmjet mediave sociale, se Agron Tufa, deri para pak kohësh drejtor i Institutit të Studimeve të Krimeve të Komunizmit (ISKK), së bashku me të shoqen dhe pesë fëmijët e tij të mitur, kishte kërkuar azil politik në Zvicër. Si shkak për këtë vendim Tufa, laureat i disa çmimeve kombëtare në letërsi, dha kërcënimet e shumta që kishte marrë nga njerëz të ndryshëm, kryesisht nëpërmjet telefonatave dhe mesazhesh të shkruara.


Heshtje e ambasadave

Agron Tufa i tha Deutsche Welle-s se ai në fillim të nëntorit i kishte raportuar kërcënimet edhe tek një sërë ambasadash perëndimore: “Unë u kam dërguar të gjitha ambasadave kryesore në Tiranë, përfshirë edhe asaj të OSBE-së dhe BE-së, një raport me 16 faqe me një kronologji të kërcënimeve të mia, ku ishin dokumentuar edhe mesazhet kërcënuese, në shqip dhe anglisht, por ato nuk më kanë kthyer asnjë përgjigje”, i tha Tufa Deutsche Welle-s.

E pyetur nga Deutsche Welle, Ministria e Punëve të Jashtme të Gjermanisë,u përgjigj: “Ambasada në Tiranë ka qenë në kontakt me personin në fjalë në funksionin e tij si drejtues i Institutit në fjalë. Deri tani nuk ka pasur kërkesë për ndihmë”.

Injorim nga prokuroria

Tufa vetë i tha Deutsche Welle-s se ka bërë disa kallëzime penale në lidhje me kërcënimet, por se prokuroria nuk ka reaguar. “Mua nuk mu pergjigjën asnjëherë. As kallëzimeve private, e as nuk morëm përgjigje për kallëzimin e Cajes te Prokuroria e Krimeve të Rënda, megjithëse u ankuam dy herë”, i tha Tufa DW.

Në qershor të këtij viti, Agron Tufa, në cilësinë e tij si drejtor i Institutit të Studimeve të Krimeve të Komunizmit, për herë të parë në historinë e Shqipërisë, paditi në Prokurorinë e Krimeve të Rënda në Tiranë ish-komandantin e kamp-burgut të Qafë-Barit, Edmond Caja, për veprën penale “Krime kundër njerëzimit”.

Sipas burimeve të DW , edhe organet e drejtësisë në Gjermani aktualisht po shikojnë mundësinë e ngritjes së një akuze kundër të njëjtit person, i cili prej shumë vitesh ka marrë shtetësinë gjermane dhe jeton në Bavari.

Në luftë me kastën e vjetër

Kërcënimet e shumta që i vinin si mesazhe, Agron Tufa i ka publikuar gjatë tërë kohës në mediat sociale. Ministria e Punëve të Brendshme të Shqipërisë, deri tani (10.12.19) nuk ka arritur t’i kthejë përgjigje Deutsche Welle-s, nëse Agron Tufa ka pasur nevojë për mbrojtje personale,

Siç i tha Tufa Deutche Welle-s, vala e kërcënimeve filloi në prill të këtij viti, kur një grup politikanësh dhe intelektualësh të lidhur me regjimin e vjetër komunist donin t’i merrnin Institutit të drejtën për të pasur si objekt studimi edhe krimet e bëra nga komunistët në periudhën e Luftës Antifashiste Nacional-Çlirimtare (1939-1944).

Por Tufa i tha DW se ky ishte vetëm një pretekst që u gjet për të mbuluar shkakun e vërtetë të luftës kundër tij. Tufa tha se në të vërtetë, shkaku ka qenë një kërkesë që bëri ISKK në fund të vitit të kaluar, për të marrë informacione nga të gjitha institucionet shtetërore për numrin e ish-oficerëve të sigurimit në stafin e tyre. “Dy institucione iu përgjigjën pyetjes sonë dhe doli që aty ishin nja 12 oficerë të sigurimit. Ata janë ende në pozicione super të rëndësishme, dy syresh pikërisht në Drejtorinë e Sigurimit të Informacionit të Kualifikuar (DSIK), e cila aktualisht merret edhe me vettingun në Shqipëri”, i tha Tufa DW.

Sigurimi ende në administratë

Sipas Tufës, numri i ish-sigurimsave në administratën e Shqipërisë mendohet të jetë rreth 3000. A mendon se strukturat e vjetra të sigurimit kontrollojnë ende jetën politike në Shqipëri. I këtij mendimi është edhe Jordan Daci, profesor i së drejtës në Tiranë. Sipas tij regjimi i vjetër nuk është larguar asnjëherë nga Shqipëria. “Edhe një pjesë e mirë e të rinjve që janë sot me poste në administratë janë bij dhe bija të ish-nomenklaturës komuniste”, thotë Daci për DW.

Deputeti Spartak Braho, gjyqtar në kohën e komunizmit dhe ende deputet në Kuvendin e Shqipërisë, është një nga kundërshtarët më të zëshëm të Agron Tufës. Ai e komentoi kërkesën e Tufës për azil politik në Zvicër edhe para disa ditëve në një artikull botuar në gazetën “Dita”. Gjuha e përdorur të kujton retorikën e diktaturës komuniste: “Unë i pari, por edhe të tjerë mendoj, se do të bëjmë të pamundurën që edhe atje ku ka kërkuar azil politik të mos gjejë vrimë ku të futet dhe do ta denoncojmë zyrtarisht si një hajdut dhe me vese tejet të rrezikshme shoqërore”, shkruante Braho.

Gjergj Erebara, nga rrjeti investigativ BIRN, i tha Deutsche Welle-s, se beson që Agron Tufa dhe familja e tij ishin të rrezikuar në Shqipëri: “Sulmet e Spartak Brahos ndaj Tufës kanë vijuar prej muajsh dhe Braho ka qenë persekutues në kohën e komunizmit. Pra, Agron Tufa ka arsye të shëndosha të kërkojë azil politik. Ndër të tjera atë e kishin akuzuar edhe si spiun rus dhe donin ta përgjonin”, tha Erebara.

Keqardhje ndër intelektualë

Në rrethin e shkrimtarëve dhe shumë aktivistëve që merren me zbardhjen e së kaluarës komuniste në Shqipëri largimi i Agron Tufës është pritur me shumë trishtim dhe keqardhje.

Keqardhës është shprehur edhe Fondacioni Konrad Adenauer (KAS): “Agron Tufa ka qenë gjithmonë një partner i mirë dhe i besueshëm për ne dhe bashkëpunimi ka funksionuar shumë mirë”, i tha Deutsche Welle-s Florian Constantin Feyerabend, referent për Evropën Juglindore në selinë qendrore të KAS-it në Berlin. “Kjo ngjarje tregon se është ende tejet e rëndësishme që në Shqipëri të vijohet me zbardhjen e së shkuarës komuniste dhe përballjen me të”.

Agron Tufa megjithatë nuk e quan dorëzim largimin e tij nga Shqipëria: “Përkundrazi. I pavarur dhe në liri, shpresoj të flas e të dëshmoj më troç. Do jetë kalim ne një cilësi tjetër, ku përgjegjësitë i marr përsipër personalisht, pa u shkaktuar “faturë” të tjerëve”, i tha babai i pesë fëmijëve Deutsche Welle-s.

18 Comments

  1. na ka hy bollshevizma keqas, do nja 200 vjet te dale
    kur t’na kete mbir bari
    deri ahere, t’na rroje spartak braho me shoke

  2. Tani trego sa bythe ke o neokomunisti i ri i salihut qe te beri dhe drejtor instituti o mavri,por kujdes nga skifteret dhe zagaret qe salihu ka me shumice ne zvicer e angli,eshte ne kerkim te gjakut prej 8 vjetesh

    1. Ju kumte kari o komujiste kurva qe pasi e perzute tani e etiketoni si komunist.
      Pasket qene fare e keqe o bolshevike. Ia keni kaluar ruseve

  3. Ambasadat e huaja nuk jane per te mbrojtur shtetasit shqiptare, por per te promovuar interesat e veta. Shteti shqiptar duhet ti vije ne ndihme shqiptareve

  4. Sa bukur e pat shprehur shoku Ismail Kadare tek poema ” Shqiponjat fluturojne lart ”

    Ku ti kerkoj rrenjet e tua Parti ?

    Si nje rrap madheshtor ke mbire ndane udhes ku rrahin shterngatat

    Ato mundohen te te shkulin

    por ti vec vaditesh

    prej shqotes se tyre

    e mes shqotash rritesh

    kY HYMN DHE GLORIFIKIM I I TEJSKAJSHEM , KJO PERKULJE DHE KAPITULLIM I TURPSHEM

    I POEZISE NDAJ IDEOLOGJISE POR QE PER KOHEN ISHTE JO VETEM SERVILIZEM DHE NENSHTRIM

    POR EDHE FORME E MBIJETESES LETRARE DHE JO VETEM, REZULTOI TE ISHTE NJE PROFECI FATALE

    E SHKRIMTARIT ME TE SHQUAR PER TE ARDHMEN E SHQIPERISE.

  5. pothuajse gjithe personeli vendas i ambasadave ne tirane jane te gjithe te lidhur me te majten ne mos ndikojne tek te huajt

  6. Ku ti kerkoj rrenjet e tua Parti
    neper vrima halesh dhe sqollash ti rritesh
    me shurre dhe uje fekalesh ti vaditesh
    si zvarraniket neper plehe ti vertitesh.

    je mbushur me krimba ne tere trupin tend
    dhe ata jane kthyer ne ngjyre -mavi-
    jane mbledhur rreth teje hajdute dhe kriminele
    trafikante,imorale dhe drogaxhinj.

    je ne ditet e fundit dhe perpelitesh
    ne duart e ketyre felliqesirave
    a do vije valle nje dite per ty
    te shpetosh dhe ti prej ndyresirave.

  7. Cjane keto turpe qe na degjojne veshet. Si pa te keqe ky zvarraniku qe i thote vetes shqiptar konfliktohet me vllezerit e tij shqiptar dhe kerkon ndihm neper ambasadat e huaja. Me e forta qe ke marre persiper keto punet e ndricimit. Nese ske besim tek kauza jote kunder komunizmit ca na can karin….. komunistet jepshin dhe jeten per idealin e tyre dhe asnjehere nuk ja kane mbathur…..bythqir, pleher, ishalla ske lene pasardhes se rrezik si puna jote do dalin. Mut muti. Shpresoj te jete ekzagjirim portalesh.

    1. Nga të gjithë komentuesit anti demokracisë ti qenke vërtet mut muti por edhe pas 70 vjet nuk ke arit ta shlyesh erën e qelbur komuniste.

    2. O i paemer qe u shofsh , komununistet dhan jeten per idéal???? Kjo a shum e diskutushme per ke idéal e kush ; ideal te vrisnin e persekutonin intelwktuàl te Nuk te kerkohet ne demokraci te japesh jeten per idéal po te punosh me ndershmeri e pa frik; po ktu s jemi ne demokraci o kastravec

  8. Shok nuk duhet te jemi kaq te ashper…. me kete individ. Askush nuk ka lindur i formuar. Punen e ketij tufes duhet ta shohim me durim dhe me mendimin per ta sqaruar dhe ti tregojm rrugen e duhur. Na duhet cdo shqiptar. Mbase eshte genjyer per 5 lek. Mbase ka rene ne gracken e ndonjerit, mbase nuk di cthote…… por idea eshte qe na duhet durim

    1. Jane vellezer te edi rames xhafes bushat lopes etj etj…por jo te shqiptareve. Nqs qenkanhap mentalitetini tille atehere paska pare mire interesat e veta evropa, se komunistat ata i kane mbajt ne jete.

  9. Zoti Tufa jemi vrare, burgosur, internuar, konfiskuar, injoruar,perbuzur, te pashkolluar nga komunistet por nuk ikem nga Shqiperia. Ne 1997 u kercenuam perseri me jeten tone por nuk ikem nga Shqiperia. Vdekjen e kemi borç qe do shluhet nje here, por paburnia nuk na ka hije. Faleminderit per çka ke bere, ne do vazhdojme te jetojme e te vdesim ne Shqiperi duan apo nuk duan komunistat. Do vazhdojme me sa dijme te shkruajme e te dokumentojme krimet e tyre.

  10. O Z.Agron ti u ke kerkuar ndihme bandave sepse ato nuk jane ambasada por jane banda me ne krye kapobanden amerikane ne sherbim te bandes kriminele qeveritare.

Lini një Përgjigje

Adresa juaj email s’do të bëhet publike.

Kthehu