Reperja vendosi të flasë hapur rreth dramave të tradhtisë që ajo dhe i shoqi përjetuar pak kohë më parë. Në intervistën e saj të fundit për Vogue, Cardi rrëfeu versionin e saj, sepse njerëzit prisnin përgjigje.
Fillimisht, reperja pranoi se Offset e kishte tradhtuar dhe fakti që diçka e tillë u zbulua nga mediat ia bëri edhe më të vështirë emocionalisht Cardi-it procesin e faljes. Sepse, nëse nuk kujtohet, ajo vendosi ta falë. “Kur unë dhe im shoq patëm ato problemet tona, e ke parasysh, historia e tradhtisë dhe gjithë këto…Unë vendosa të qëndroj me të dhe shumë njerëz u mërzitën me mua, shumë gra u ndjenë të zhgënjyera prej meje. Po kjo është jeta e vërtet. Nëse ti e do dikë dhe nuk je me të,atëherë bie në depresion. Rrjetet sociale të thonë të mos flasësh me të, por ti deri në momentin që bisedon përballë nuk je e lumtur nga brenda.
Pastaj, nëse ti kthehesh, të thonë “si guxove” apo “na zhgënjeve të gjithëve”. Njerëzit që janë të martuar prej vitesh e dinë mirë që në fillim thonë me plot gojën “derisa vdekja të na ndajë”. Epo kur e thonë këtë nuk e kanë fjalën për debate të vogla si “pse e le derën e frigoriferit hapur”. Ajo frazë përfshin çdo gjë.”