Një fotograf që fikson imazhe nënujore kapi momentin kur një peshku të vogël i afrohet nga pas një peshkaqen i madh. Peshku duket disa centimetra larg nga nofulla e peshkaqenit të bardhë, por për fat të mirë shpëtoi këtë herë nga grabitqari i detit.
Fotografi Dustin Burkhouse e shkrepi këtë fotografi në Ishullin e Guadalupes në Meksikë gjatë këtij viti. Pas publikimit të saj ishin të shumtë që e krahasuan me posterin e filmit të animuar “Finding Nemo” ku personazhet Marlin dhe Dory përpiqen t’i shmangen nofullës së peshkaqenit të madh. Edhe fotografi u tha se ishte i lumtur që peshku i vogël i shpëtoi këtë herë grabitqarit. ©LAPSI.al