Gjatë seancës së sotme parlamentare, kryetari i Parlamentit Gramoz Ruçi u ka tërhequr vëmendjen ministrave të cilët ishin përfshirë në muhabete personale. Ruçi u ka kërkuar të heshtin pasi po miratohej buxheti i shtetit, ndërsa i ka kërcënuar me pezullim të seancës.
“Ju lutem dhe njëherë zotërinj ministra, do pezulloj seancën vetëm për juve. Miratohet buxheti i shtetit. S’keni ardhur për muhabete këtu”, – u tërhoqi vëmendjen kreu i Kuvendit.
Në një moment nga maxhoranca është kërkuar një ndërhyrje dhe një saktësim, por Ruçi ka pasur sërish kritika.
“E saktësonit kur prutë materialin jo këtu, dakord ë se s’keni bërë kërkesë. E pra. I shkruani gjërat para se t’i bini”, – tha Ruçi.
Por mesa duket seanca parlamentare e ditës së sotme, e ka lodhur disi kryeparlamentarin Gramoz Ruçi, i cili ngatërroi edhe Arben Ahmetajn me Arben Malajn.
“Faleminderit z. Malaj!”– tha Ruçi, pas fjalimit të Arben Ahmetajt për dëmet nga tërmeti.
“Është Ahmetaj!” – e korrigjuan nga salla.
“Ka edhe kështu nga lodhja!” – ua ktheu kryeparlamentari.
O ruç pyeti si e kan hallin mi istret veç k ….duan
Ska dale ne pension akoma ky bastard? Rac e piset.