El Clasico nuk mund të përfundojë pa polemika, edhe kur del pa fitues. Në një ndeshje me Barcelonën, ku Real Madrid ishte në pjesën më të madhe të lojës skuadra më e mirë në Camp Nou, merengues kontestojnë fort dy episode ku pretendohet për 11 metërsh, e sidomos në rastin e Raphael Varane faulli i Lenglet ishte i dukshëm.
Në pjesën e parë, francezi u godit me takë në kofshë nga bashkatdhetari i tij Clement Lenglet, takat e të cilit i lanë gjurmë të dukshme në kofshë mbrojtësit të Blancos, por për arbitrin Hernandez Hernandez ishte lojë e rregullt. Ndërsa episodi i dytë pa përsëri protagonist francezin, që këtë herë në zonë u tërhoq nga fanella nga Ivan Rakitic.
Varane ka publikuar fotografi të dëmtimit të tij, si pasojë e ndërhyrjes së ashpër, duke shprehur qartë disaprovimin për mungesën e ndërhyrjes së VAR. Të njëjtin qendrim ka mbajtur edhe Real Madrid, që nuk e ka lënë me kaq cështjen, por ka nisur hetimin, duke i kërkuar zyrtarisht La Ligës bisedën mes dhomës së VAR dhe gjyqtarit Hernandez Hernandez lidhur me episodin e dëmtimit të Varane. Blanco kërkojnë të dinë nëse është diskutuar mes arbitrave të dhomës dhe atij të fushës, për të evituar mendimin e një komploti, apo thjesht askush nuk vuri re asgjë, sqaron El Chiringuito de Jugones.
? INFORMACIÓN de @JLSanchez78:
?️ "El Real Madrid pedirá el audio del VAR en la acción del plantillazo a Varane". #JUGONES pic.twitter.com/StyED6Myua
— El Chiringuito TV (@elchiringuitotv) December 19, 2019