E ka kondicionuar dëmtimi që kaloi, sepse ndoshta në këtë moment do të ishim duke folur për tjetër vlerë medaljesh nga Briken Calja. Tre të bronxta në Qatar Grand Prix e kanë cuar në 13 numrin e atyre të fituara nga peshëngritësi shqiptar në harkun e një viti, si një tjetër kuqezi më parë.
Kampioni i Europës nuk ka shkuar në kondicionin më të mirë të tij, e megjithatë nga kualifikueset për lojërat olimpike Tokio 2020, është kthyer me tre medalje të bronxta, në shkëputje, shtytje e dygarësh. Një 2019 e jashtëzakonshme për Caljan, që e ka cuar numrin e medaljeve në 13, në kompeticionet ndërkombëtare, në një vit të rëndësishëm, si është ai përpara Lojërave Olimpike.
MEDALJET E 2019
-1 medalje ari dhe 2 argjendi në Europian 2019 (Gjeorgji)
-1 medalje bronzi në Botëror 2019 (Tajalandë)
-1 medalje argjendi dhe 2 bronzi në Mediterranean Kubë 2019
-3 medalje argjendi në Tournament 2019
-3 medalje bronzi në Grand Prix Katar 2019.
Natyrisht në pritje të rezultateve që do të arrijnë dy peshëngritësit e tjerë kuqezinj Erkand Qerimaj e Krenar Shore, në Qatar Grand Prix, tre medaljet e bronxta të Caljes janë një ogur i mirë për peshëngritjen shqiptare, që po tenton të kthehet edhe njëherë në nivele të larta dhe të jetë e aftë të pretendojë medalje edhe në një turne madhor si Olimpiada…