Skandal arbitral në “San Vito” të Cosenza, ku viktima e pafat është Empoli. Në minutën e 83 të sfidës në Serie B mes toskanëve e vendasve, në fakt, arbitri i ndeshjes e asistentët e tij nuk e kanë kuptuar se topi i goditur nga jashtë zone nga Samuele Ricci ka kaluar linjën e portës afërsisht me… gjysëm metri, pasi u përplas në traversë dhe më pas në fushë.
Sipas arbitrit Pezzuto, në fakt, topi nuk është futur kurrë plotësisht në portë e kështu nuk e ka vlerësuar golin, për dëshpërimin e skuadrës së Muzzi. Në fund, Empoli ka dalë i mundur 1-0 e me një lojtar më pak për të verdhën e dyfishtë të Laribi.
— Empoli Fc Official (@EmpoliCalcio) December 26, 2019