Inter po punon shumë në këtë merkato për të përforcuar skuadrën në dispozicion të Conte, por edhe në prespektivë, duke tentuar të bëjë goditje të rëndësishme për sezonin e ardhshëm. Sipas asaj që zbulon Sky Sport, zikaltrit kanë fituar një korsi preferenciale për mbrojtësin shqiptar të Veronës, Marash Kumbulla. Klubi milanez ka parakaluar konkurencën për 19 vjecarin e Kombëtares kuqezi, duke i premtuar Hellas kalimin e menjëhershëm të mbrojtësit të krahut Dimarco.
Marash Kumbulla është një nga surprizat e këtij sezoni dhe shumë klube të rëndësishme i kanë vënë sytë tek lojtari i përfaqësueses së Shqipërisë.
Operacioni i merkatos niset nga një vlerësim prej 20 milionë euro për kartonin e qendërmbrojtësit, por bëhet fjalë për një investim të rëndësishëm për të ardhmen, duke qenë se shqiptari është vetëm 19 vjec.
Reja e kishte ndjekur në fakt Kumbullën përpara se të bëhej trajneri i Kombëtares dhe menjëherë e grumbulloi me kuqezinjtë, duke i treguar besimin e madh që kishte tek ai, sidomos në dritën e performancave që po bënte qendrori me Hellas.