• |
ide | kryesore

Sulmohet me raketë Ambasada Amerikane në Bagdad

Lajme, Të fundit



Tjetër sulm ndaj Shteteve të Bashkuara të Amërikës në Irak. Pas sulmit të një nate më parë një tjetër është ndërmarrë para pak çastesh. Mësohet se 2 raketa “Katjusha” janë hedhur në atë që njihet si “Zona e gjelbër” në Bagdad ku kanë selitë e tyre shumë ambasada mes të cilave edhe ajo e SHBA-ve.

Lajmi është konfirmuar nga burime të sigurisë për mediat ndërkombëtare. Washington Post shkruan se nuk ka pasur viktima. Menjëherë në ambasadën amerikane janë dëgjuar sirenat e alarmit. Reuters shkruan se njëra nga raketat shpërtheu 100 metra larg murit të ambasadës.

Sulmi vjen pasi Teherani hodhi një duzinë me raketa kundër dy bazave ushtarake me prezencë amerikane, por që nuk shkaktoi viktima mes tyre. Sulmet janë hakmarrje ndaj vrasjes së gjeneralit Qasem Soleimani. ©LAPSI.al



Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *