Në një karrierë të ndërtuar me gola, mes Kroacisë, Gjermanisë, Spanjës e Italisë, vështirë të mendosh se nuk do ta bënte në një kampionat jo të nivelit të parë si ai në Katar. Mjaftuan pak ditë dhe SuperMario u shfaq. Pak me vonesë, sepse një gol ia anulloi VAR në debutim, por kroati filloi të lërë gjurmë me Al Duhail, klubi i Dohas që ka marrë nga Juventus në janar atë dhe koreano veriorin Han.
? فيديو | هدف #الدحيل الاول عن طريق اللاعب ماريو ماندزوكيتش#الدحيل_السيلية ١-٠
نصف النهائي الأول | #كأس_قطر٢٠٢٠ ?@DuhailSC pic.twitter.com/ptYJkQ9EIm
— كأس قطر ٢٠٢٠ (@QSL) January 10, 2020
Nën kampioni i botës ka realizuar golin e avantazhit, në fitoren 2-0 për skuadrën e tij, në ndeshjen e Kupës së Princit të Katar kundër Al Sailiya, duke u kualifikuar në finale të torneut. Një gol i festuar në stilin e Mandzukic. Pa vrap të shfrenuar, pa buqëqeshje, por vetëm një britmë: për skena duhet të parë tjetërkund, sepse SuperMario është vetëm konkretizim. Si dëshmon postimi në Instagram pas ndeshjes: tre foto me shokët e skuadrës, ndonjë hashtag e asnjë gërmë koment. Por dihet, Mandzukic është i tillë, flet vetëm në fushë.