• |
ide | kryesore

OKB rishikon me 30-40% ulje projeksionet e popullsisë shqiptare; Në skenarin pesimist mbetemi vetëm 512 mijë persona në vitin 2100

Arkiva, Lajme, Të fundit



Organizata e Kombeve të Bashkuara (OKB), në projeksionet e saj për popullsinë shqiptare ka rishikuar në ulje me 30-40% pritshmëritë se sa persona do të mbeten në një vend deri në vitin 2100. Zhvlerësimi i ndjeshëm ka ardhur brenda një viti (2019 kundrejt 2018) dhe është nxitur si nga rënia e normës së lindshmërive, ashtu dhe nga trendi i lartë i emigracionit.

Në parashikimet e publikuara në vitin 2018, sipas variantit të lartë të parashikimit (me normë të lartë fertiliteti), popullsia e vendit në vitin 2100 pritej të mbetej në rreth 2.8 milionë persona, në një rënie të lehtë nga niveli aktual prej 2.87 milionë banorësh. Por, vetëm një vit më pas, në 2019-n, pritshmëria është ulur ndjeshëm edhe për variantin optimist. Në të gjitha rastet, edhe në variantin optimist, – pra nëse merret një nivel zero emigracioni dhe ecuri normale e normave të fertilitetit-, në vitin 2100, Shqipëria nuk pritet që të ketë me shumë se 1.9 milionë banorë, ose 31% më pak se parashikimi i një viti më parë.

Në variantin e mesëm, Shqipëria nuk pritet të ketë më shumë se 1 milionë banorë, nga 1.6 milionë banorë që ishte parashikimi në vitin 2018 për këtë skenar, me një ulje prej rreth 34%.

Rishikimi më i lartë është bërë për skenarin e ulët (normë të lartë emigracionit dhe fertilitet të ulët), në bazë të së cilin, në Shqipëri në vitin 2100, sipas pritshmërive të departamentit të Divizionit të Popullsisë të OKB-së, në Shqipëri nuk pritet që të mbeten më shumë se 512 mijë banorë. Më parë, pritshmëria ishte për 860 mijë banorë, pra parashikimi është ulur me 40%.  https://www.monitor.al/parashikimi-frikshem-okb-popullsia-shqiptare-rrezikon-te-katandiset-860-mije-banore-deri-ne-vitin-2100/

 

Arsyet

Rënia e lindshmërisë (fertiliteti-norma bruto e lindjeve) dhe rifillimi i ciklit të emigracionit pritet që të tkurrin popullsinë në dekadat në vijim.

Të dhënat e fundit të INSTAT treguan se gratë që jetojnë në Shqipëri vit pas viti po heqin dorë nga mëmësia, duke reduktuar në mënyrë drastike numrin e bebeve të sjella në jetë. Në vitin 2018 ky fenomen u theksua edhe më shumë kur numri mesatar i fëmijëve të lindur nga një grua shënoi rekord historik. Indeksi i fertilitetit ishte vetëm 1.37 fëmijë për një grua nga 1.48 fëmijë  më 2017 dhe nga 1.73 fëmijë për grua që ishte ky indeks në vitin 2014, sipas të dhënave të INSTAT.

Rënia me shpejtësi e numrit të lindjeve e ka çuar Shqipërinë nën normën e zëvendësimit e cila përllogaritet 2.1 fëmijë për grua. Gjithashtu Shqipëria e ka normën e lindshmërisë shumë poshtë indeksit global të fertilitetit i cili në vitin 2017 ishte 2.4 fëmijë për grua sipas të dhënave të Bankës Botërore. Gratë shqiptare lindin gati 50 për qind më pak fëmijë se mesatarja globale.

Nga  janari 2014 deri në janar të 2018 popullsia e Shqipërisë është zvogëluar mesatarisht me 0,16 % në vit. Si pasojë e këtyre zhvillimeve raportet e varësisë janë rritur për moshat e vjetra dhe janë ulur për ato të rejat. Raportet e varësisë llogariten duke krahasuar numrin e personave (të rinjtë 0-14 vjeç dhe/ose të moshuarit 65+ vjeç) me popullsinë në moshë pune.

Ndërsa nga viti 2015, Shqipëria po përjeton një rritje të re të fenomenit të emigracionit. Vetëm aplikimet për azil, në pesë vitet e fundit kanë arritur në rreth 200 mijë, sipas të dhënave zyrtare nga Eurostat, ndërsa ka dhe shumë të tjerë që ikin me kontrata pune, ose që thjesht largohen e nuk kthehen më. Largimi i popullsisë po bëhet problem për sipërmarrjet, të cilat ankohen se nuk po gjejnë fuqi punëtore të specializuar. Në një sondazh të fundit, Instituti Shqiptar i SME-ve “SME Albania” gjeti se rreth 61% e ndërmarrjeve kanë pasur punonjës të larguar për arsye emigracioni gjatë vitit 2019.

Rënia e popullsisë, sidomos largimi i popullsisë në moshë pune pritet të japë efekte të rënda në të ardhmen, si në skemën e pensioneve, me krijimin e një shtrese të brishtë pa kujdesin e duhur, ashtu dhe në rënien e produktivitetit të sipërmarrjeve, me efekt në tendencën e pagave, investimeve të tyre e taksave që paguajnë, me pasoja afatgjata në ngadalësimin e ekonomisë së vendit. /monitor



9 Comments

  1. Kujt i plasi kari mjafton qe elita evropiane te jete mire. Ja arriten qellimit. Rroft ideollogjia politike socialiste.

  2. Bravo OKB qe po e ndihmon Shqiperine duke mbajtur statistika. Nje ushtri njerezish qe punojne ne zyrat e OKB ne Tirane me rroga te majme po thone se do shuhemi. Dhe meriten e ketij zbulimi e ka organizata boterore, megjithse kete e shohim vete cdo dite. Sa per ndonje projekt zhvillimi qe kjo te mos ndodhe, aha, nuk behet fjale.

  3. Sa te kete ky vend organizata si Ripjerdhja Mavi, te tipit mafioze, ky vend do te popullohet ne maksimum. VK

  4. Mos u merzisni se e kane zgjidhjen keta kopilat e politikes. Vertet do mbetemi 520,000 shqiptare por do e popullojne Shqiperine me Siriane, Afrikane, Iranian, Kurd me popullsi te tjera vulnerable qe ti kene per ti shfrytezuar me shume dhe me eger. Me kete vend te gjithe tallin trapin e kane kthyer ne kavie laboratorike ku eksperimentojne, pra jemi kthyer ne shtet laborator per eksperimente.

  5. Nuk vjen siriani te punoje ne qelbistan me pronar kanibal.
    Sirianet nuk jane albanqener.
    Nuk punojne me te degjeneruarit.

  6. Po kryemoterqiri thote qe ky eshte nje proces ciklik pra qe ikin dhe vijne te tjere psh..shpifje shpifje..hahah…llumi…me pak fjale rasti me i besueshem eshte 1milion qe dmth sa nje lagje..ose do ngele Tirana. Shqiperia = Tirane. Edhe nga ana administrative do ngele vetem Tirana. Se mos KM e ka ne plan kete enderr sulltanati qe ta kene me kollaj ta pushtojne.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *