Një episod i rëndë ka ndodhur në Andria kundër Fabio Moscelli, drejtorit sportiv të Fidelis: dje pasdite një bombë artizanale është shpërthyer në makinën e tij, duke provokuar dëme serioze në parakolp dhe pjesën e sipërme të kofanos, por për fat pa shkaktuar asnjë të plagosur. Episodi është denoncuar në Polici e pastaj është treguar në Facebook, në faqen e shoqërisë që militon në Serie D: “U kalua çdo limit, nëse përsëritet mund ta tërheqim skuadrën”.
Shoqëria flet për një episod “të padëgjuar e ekstremisht të rëndë” e për “ndërgjegjësimin se është kaluar një limit që tani nuk është më i tolerueshëm”. Nga tifozët në fakt kërkohet “të distancohen menjëherë nga ngjarja e të ndihmojnë forcat e rendit të identifikojnë atë që ka kryer gjestin e frikacakut”. Në fund vjen edhe kërcënimi: “Nëse duhet të verifikohen episode të tjerë dhune të cfarëdo lloji, shoqëria mund të vendosë të tërheqë skuadrën nga kampionati”.