U përjashtuan nga ndeshja për parregullsi reciproke. Në fushë kanë luftuar, sidomos në fund të lojës, por Marcus Morrisit sfida me Jae Crowder në Knicks-Grizzlies nuk i ka pëlqyer aspak. Problemi është se lojtari i Knicks për të shfryrë dufin për humbjen ka zgjedhur fraza seksiste, duke shpërthyer polemikat mbi të vetë.
Morris e Crowder janë përjashtuar të dy nga ndeshja që pa fitues Memphis në New York. Një sherr në fund të saj, pasi lojtari i Grizzlies i rrëmbeu topin Elfrid Payton, që më pas e rrëzoi përtokë. Ky aksion nuk i pëlqeu fare Morris. “Luan në mënyrë tjetër – ka thënë Morris për kundërshtarin -. Ka shumë tendenca femërore në fushë, duke simuluar e duke tërhequr pas kokën gjatë gjithë ndeshjes. Por kjo është një lojë për burra. Nuk është profesional, është i flashkët, loja e tij është e flashkët. Sillet si të jetë një femër”.
Ndoshta tendenca ishte thjeshtë të fyente kundërshtarin, por polemikat kanë shpërthyer menjëherë pas artikulimit të frazace e Morris, në rrjetet sociale, është nën akuza të forta, që mund të mos pushojnmë vetëm me një ndjesë të kërkuar në twitter.