Andy Gill, kitaristi I grupit post-punk Gang Of Four, është ndarë nga jeta në moshën 64-vjeçare.
Lajmi i hidhur vjen dy muaj pasi grupi mbylli një tur botëror me rastin e 40-vjetorit të krijimit. Lajmin e ka konfirmuar vetë grupi muzikor. Gill konsiderohej nga anëtarët e bandës si ‘një prej më të mirëve’ dhe “gjeni”. “Është shumë e rëndë për ta shkruar, por sot vdiq miku i madh dhe lideri ynë suprem”, thuhet në njoftimin e “Gang Of Four”.
Gill ishte i vetmi themelues i grupit që vijonte të ishte ende pjesë e tij. Në 40 vjet, grupi numëron 10 albume, ndërsa vitin që shkoi, me rastin e 40-vjetorit të krijimit banda zhvilloi një turne botëror duke performuar në Japojni, Greqi, Spanjë, Australi dhe Zelandë të re.