Partia Demokratike ka rimarrë edhe njëherë sot rastin e vëllait të kryeministrit, Olsi Rama, i cili lëviz me një makinë luksi të blinduar, duke kërkuar nga OFL të bëjë verifikimin e këtij mjeti. Sipas PD, policia e shtetit është udhëzuar të mos e ndalojë makinën e Ramës së vogël, i cili, gjithnjë sipas opozitës, lëviz në shkelje të rregullave.
PD ngriti sot pikëpyetje nëse Olsi Rama është përfshirë në ndonjë aferë që e detyron atë të lëvizë me një makinë të blinduar.
Disa orë më parë, vetë sekretari i përgjithshëm i PD, Gazmend Bardhi, bëri një deklaratë për mediat lidhur me makinën e blinduar të Olsi Ramës, me të cilën ka lëvizur edhe vetë kryeministri pas një mbledhje në selinë e Partisë Socialiste tre ditë më parë.
Burime pranë PD, thanë për lapsi.al se opozita ka të dhëna kompromentuese në lidhje me automjetin e vëllait të kryeministrit, të cilat pritet të bëhen publike në ditët në vijim.
Më poshtë deklarata e sotme e Ervin Salianjit në selinë e PD:
“Edi Rama dhe ushtari i tij në Ministrinë e Brendshme, Sandër Lleshaj kanë standard të dyfishtë në zbatimin e ligjit. Ata urdhërojnë shfaqje propagandistike me bllokimin e automjeteve të blinduara, të pajisur me leje të lëshuara nga vetë policia, por nuk bllokojnë makinën e blinduar të Olsi Ramës.
Partia Demokratike solli fakte se mjeti i blinduar me të cilin Edi Rama lëviz në shkelje të rregullave, i përket Olsi Ramës. Megjithatë i ashtuquajturi Operacion i Forcës së Ligjit dhe Policia e Shtetit vazhdojnë të heshtin, duke mos dhënë asnjë shpjegim pse Olsi Rama është i paprekshëm dhe mbi ligjin.
Partia Demokratike disponon të dhëna të plota se Policia e Shtetit është e udhëzuar të mos ndalojë në asnjë rrethanë automjetin e blinduar Linkoln me targën TR 0370 T.
Makina e blinduar e Olsi Ramës lëviz si të kishte imunitet diplomatik, njësoj siç lëvizte makina private e Saimir Tahirit, audi AA 003 GB, që përdorej nga trafikantët e drogës së bandës së Habiljave.
Edi Rama dhe Sandër Lleshaj duhet t’u thonë shqiptarëve pse nuk vepron ligji për vëllanë e kryeministrit. Jo vetëm për automjetin e tij të blondiar, por edhe për pasurinë e bashkëpunëtorëve dhe miqve të tij të dënuar për ngritjen e laboratorit të kokainës në Xibrakë.
Edi Rama duhet t’i japë shqiptarëve edhe një shpjegim tjetër që lidhet direkt me vëllanë e tij, makinën e blinduar të të cilit ai e përdor në shkelje të rregullave dhe i jep imunitetin e të paprekshmit nga polciia.
Në çfarë aferash është përfshirë Olsi Rama dhe çfarë e rrezikon atë, duke e detyruar të përdorë një makinë të blinduar, e krijuar për mbrojtjen nga goditja me armë zjarri?
Spektakli me makinat e blinduara është një flluskë e propagandës bajate të Edi Ramës. Edhe gjoja spektakli me sekuestrimin e pasurive të krimit të organizuar po rezulton një dështim, sepse një kryeministër që ka përdorur paratë e krimit për të ardhur në pushtet dhe për ta mbajtur pushtetin nuk mund të luftojë krimin.
Lufta e vërtetë kundër krimit të organizuar do të thotë që Edi Rama të presë vetë këmbët e karriges ku është ulur, por ai nuk ka vullnetin për ta bërë këtë.
E gjithë karriera e tij politike është bazuar tek trafikantët e drogës.
Për 17 vjet me rradhë, 11 vjet si kryear bashkie dhe 6 vjet si kryeministër, Edi Rama ka pastruar para me ta, duke u dhënë leje ndërtimi, koncesione tendera dhe pasuri publike.
Shqiptarët nuk e besojnë Edi Ramën! Ai është produkt i krimit dhe i korrupsionit. I vetmi kundravirus ndaj tij është vota e lirë, janë zgjedhjet e lira e të ndershme!”.
Mbas gaz geit te pd doli ky Sali anji oasi ka mare vendimin e gjykates si i denuar me burg ky bene zbulimin e rradhes,o koqe para se te dalesh ne konf minimalisht pyet gardistet a eshte makina e blinduar e rames dhe jo e olsit,kjo makine ka 10 vjet qe qarkullon neper fushatat e rames ne shqiperi ti o loqe kujtohesh sot,olsin e ke gjithe diten ne kembe neper rruget e tirone,kuptojeni nje here te vetme qe nuk behet opozita me konf pa asnje frut