• |
ide | kryesore

Macron: Nëse raporti i KE-së është pozitiv, do mbështes nisjen e negociatave për Tiranën dhe Shkupin

Lajme, Të fundit



Presidenti i Francës, Emmanuel Macron tha sot se nëse rezultatet e raportit të Komisionit Evropian (KE) – që pritet të publikohet në mars –për Shqipërinë dhe Maqedoninë e Veriut, janë pozitive, atëherë ai do të mbështesë nisjen e bisedimeve për anëtarësim në bllok për Tiranën dhe Shkupin.

Komentet e Macronit gjatë Konferencës për Siguri në Mynih, duket se po i japin fund bllokadës që këto dy vende të Ballkanit të lëvizin drejt anëtarësimit në BE dhe njëkohësisht dërgon sinjale për aleatët në BE se Franca ende mbështetë procesin e zgjerimit të bllokut me anëtarë të rinj.

“Ne po presim për raportin që del në muajin mars… varësisht, nëse rezultatet janë pozitive dhe ka besim, atëherë ne do të jemi në pozitë që të hapim negociatat”, tha Macron, raporton Reuters.

Macron kishte refuzuar që të miratonte nisjen e negociatave për Tiranën dhe Shkupin gjatë një samiti të mbajtur tetorin e vitit të kaluar, duke thënë se procesi i pranimit të anëtarëve të rinj të BE-së duhet të ndryshojë.

Ky ndryshim i qëndrimit të Macronit vjen para samitit BE-Ballkan që pritet të mbahet në muajin maj në Zagreb.

Të shqetësuar nga ndikimi kinez dhe rus në gjashtë shtetet që aspirojnë t’i bashkohen bllokut – Kosova, Serbia, Mali i Zi, Shqipëria Bosnjë e Hercegovina dhe Maqedonia e Veriut – Gjermania dhe Komisioni Evropian, kishin deklaruar se Macron bën gabim nëse bllokon anëtarësimin e tyre në Bashkimin Evropian. /Rel



2 Comments

  1. E pse ndryshoi qendrim ky zoti Makron?Dashka te shikoje mendimin e KE?Kjo KE gjithmone ka thene se Shqiperia i ka plotesuar detyrat e shtepise,megjithese Bundershtagu gjerman,ka vene 9-12 kushste qe nukjane plotesuar ,dhe qe as nuk kane ndermend te ndryshohen.Pra nuk ka ndryshuae Shqiperia,por tani na ndryshoka Makroni (sic duket na qenka trembur nga shakaja qe i beri Rama,per hymnin ne ndeshjen Shqiperi -France!!!).A nuk e shikon Ky Makroni francez,se Komisioni i Venecias,ka ardhe per dy probleme teper madhore,qe Rama i ka bere “NAFTEN”Kushtetutes,dhe reformes ne drejtesi?????

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *