Çdo 2 apo 3 vite një trend i ri tatuazhesh shfaqet dhe të parët që nuk i rezistojnë dot janë personazhet e njohur të showbiz-it. Trendi më i fundit i bojës në trup është i vështirë të mos vihet re pasi mbulon fytyrën e tyre.
Pra po flasim për tatuazhet në fytyrë, trend që nisi nga artistët e rinj të hip hop-it, por që kohët e fundit duket se ka përfshirë dhe yjet e pop-it, modelët apo dhe infulencerët. Vetëm këtë muaj të paktën 6 personazhe të njohur na kanë prezantuar me bojën që kanë shtuar në fytyrë. Ja cilët janë ata:
Presley Gerber
Modeli dhe aktori 20-vjeçar (djali i Cindy Crawford) në 7 shkurt u bë me një tatuazh të ri që ndodhet poshtë syrit të tij të djathtë. Me gërma kapitale në këtë zonë të fytyrës së tij shkruhet: “MISUNDERSTOOD”, pra “I keqkuptuar”…
Amber Rose dhe partneri i saj
Amber Rose dhe tatuazhi i saj i ri ishin në qendër të vëmendjes këtë javë. Ajo shkroi në ballë, poshtë linjës së flokëve, “Bash Slash”, fjalë të dedikuara për djemtë e saj (Bash për Sebastian Taylor dhe Slash për Electric Alexander Edwards”. Modelja tha se ishte frymëzuar nga i ndjeri Kobe Bryant për shtimin e këtij tatuazh në fytyrën e saj.
I dashuri i Rose, Alexander “AE” Edwards, i cili është babai i Slash, gjithashtu tatuazhoi diçka në ballë. Ai vendosi që të shkruante datat e lindjes së djemve të Amber, pra 10.10.19 dhe 2.21.13. Datat ndahen nga një rrufe në mes, për ndonjë arsye.
The Game
Reperi “The Game”, emri i vërtetë i të cilit është Jayceon Terrell Taylor, postoi një foto të mërkurën e kaluar, ku dallohej mjaft qartë tatuazhi i tij i ri në fytyrë, në nder të legjendës së Lakers, Kobe Bryant. Poshtë vetullës mund të shihet autografi i Bryant dhe numri 8 i kthyer në anë, numri i fanellës së vjetër të basketbollistit, në formën e simbolit të pafundësisë.
Chris Brown
Këngëtari Chris Brown ju bashkua grupit me një tatuazh të një atleteje Nike Air Jordan, ngjitur me veshin e tij. Pra Chris Brown ka një atlete në fytyrë tani, së bashku me tatuazhet e tjera.
Post Malone
Nëse Post Malone njihet për diçka, përveçse për muzikën, janë tatuazhet e shumta që ka në fytyrë, që nga teli në ballë e deri tek zinxhiri që ka në faqe. E duket se artisti nuk do të ndalojë së hedhuri bojë në fytyrën e tij. Vetëm një muaj e gjysëm në 2020 dhe Malone ka shtuar dy tatuazhe në koleksionin. Tani ai ka një çekiç në njërën faqe dhe një sharrë të përgjakur në faqen tjetër.