Cmimet Laureus janë ato që vlerësojnë sportistët më të mirë të vitit që lamë pas e për herë të parë fitues i cmimit më të rëndësishëm është një futbollist, edhe pse duhet thënë se është një cmim i ndarë në dysh. Kapiteni i Barcelonës Lionel Messi dhe kampioni i botës i Formula 1 Lewis Hamilton janë përzgjedhur fitues të sportistëve më të mirë të vitit në botë në Laureus World Sports Awards 2020. Argjentinasi është i pari futbollist që fiton cmimin Sportisti i Vitit, duke kompletuar arritjet e Topit të Artë 2019 dhe titullit kampion në La Liga për herë të 10 në karrierë. Messi nuk ka qenë present në event por ka përshëndetur përmes një video mesazhi.
"I am honoured to be the first to win this award being a sportsperson coming from a team sport."
Felicidades Lionel Messi ?#Laureus20 #SportUnitesUs pic.twitter.com/Qt7UDTpFya
— Laureus (@LaureusSport) February 17, 2020
Bashkëfituesi i trofeut, Hamilton, e ka marrë trofeun nga duart e Arsene Wenger, duke u vlerësuar për sezonin spektakolar në F1, ku 35-vjecari është kurorëzuar kampion bote për herë të 6 në karrierë.
"It's all of our responsibility to use our platform for really pushing for gender equality, inclusivity and making sure that we are engaging and trying to represent where the world is today."
The inspirational @LewisHamilton ???#Laureus20 #SportUnitesUs pic.twitter.com/9gpD6JwjHK
— Laureus (@LaureusSport) February 17, 2020
Trofeu për femra shkoi për herë të tretë në karrierë për Biles në fund të një sezoni spektakolar. 22-vjecarja bëri historinë në tetor si gjimnastja më e dekoruar në historinë e kampionateve botërore. Biles mori 5 medalje të arta në Stuttgart, duke e rritur numrin e atyre të fituara në 25, e duke thyer rekordin që mbahej nga bjellorusi Vitaly Scherbo me 23. Suprizuesi i Vitit ishte Egan Bernal, ciklisti fitues i Tour de France, që u bën kolumbiani i parë që fiton garën e famshme dhe më i riu që e arrin këtë sukses.
Another trophy for the @Eganbernal collection ???#Laureus20 #SportUnitesUs pic.twitter.com/vc48NzjXBU
— Laureus (@LaureusSport) February 17, 2020
Fituese e cmimit për Rikthimin e Vitit e mori pilotja Sophia Floersch. 19-vjecarja bëri një kthim të suksesshëm në sport, pasi pësoi një aksident të tmerrshëm në Macau Grand Prix, që i shkaktoi frakturë në shtyllën kurrizore. Skuadra e vitit u shpall ajo afrikano jugore e rugby Springboks, që fitoi Kupën e Botës për herë të tretë, ndërsa një prej nderimeve më të mëdha të mbrëmjes shkoi për Dirk Nowitzki. Legjenda gjermane e basketbollit është vlerësuar për karrierën duke e marrë trofeun nga duart e ish-kampionit të botës në boks Wladimir Klitschko.
LISTA E PLOTË E FITUESVE 2020:
Sportisti i Vitit: Lionel Messi e Lewis Hamilton
Sportistja e Vitit: Simone Biles
Rikthimi i Vitit: Sophia Floersch
Skuadra e Vitit: Afrika e Jugut Rugby
Sportisti i Momentit: India Cricket
Surprizuesi i Vitit: Egan Bernal
Njeriu i sportit me aftësi të kufizuara: Oksana Masters
Njeriu i Sportit: Chloe Kim
Çmimi akademik për arritje të veçanta: Federata Spanjolle e Basketbollit
Sport for Good Award: South Bronx United
Çmimi i karrierës: Dirk Nowitzki