• |
ide | kryesore

Der Standard: Perëndimi duhet të hapi sytë për kapjen e institucioneve nga Rama

Kryesore, Lajme



Nga Paul Lendvai*, DerStandard / Shqiptarët ishin dhe janë një element i paparashikueshëm dhe i nënvlerësuar në politikën ballkanike të Bashkimit Europian dhe të Fuqive të Mëdha. Duke parë vendndodhjen strategjikisht të rëndësishme të Shqipërisë, Kosovës, e Maqedonisë së Veriut, forca shpërthyese e nacionalizmit shqiptar mbetet një faktor pasigurie i dorës së parë për shtetet fqinjë. Prandaj bllokimi i çeljes së negociatave të antarësimit në BE shkaktoi shqetësime të justifikuara në rajon.

Në Kosovë së fundmi Albin Kurti mori postin e kryeministrit. 44-vjeçari, dikur radikal i majtë e rebel nacionalist premton tani një kurs të moderuar, por pa kompromise në çështjet themelore. Të tërë vëzhguesit e informuar theksojnë njëzëri reputacionin e tij si i pakorruptueshëm. Sidoqoftë duhet pritur për të parë sa do të zgjasë e premtuara “Epokë e Re”. E sigurt është që në Kosovë dhe në Shqipërinë fqinje politika nuk merret me nostalgjinë e “Shqipërisë së Madhe” por me luftën për shtetin ligjor e kundër korrupsionit.

Lexo më tej shkrime të tjera kritike të medias austriake:

Der Standard/ Zgjedhje si në komunizëm në Shqipëri

Bisedat e mia në Tiranë e në qytete të tjera të Shqipërisë më lanë përshtypjen e një shteti të brishtë.

Kryeministri Edi Rama, i cili qeveris prej gjashtë vitesh, një piktor i njohur mori emër në sajë të rrjeti ndërkombëtar të artistëve dhe retorikës së tij. Tonet e tij herë pas here nacionaliste (ai propozoi dikur një president për Shqipërinë e Kosovën) nuk duhetn marrë seriozisht. Më shumë kujdes i duhet kushtuar ajo që kritikohet si kapja e institucioneve të drejtësisë dhe ndikimi i hatashëm i karteleve të drogës në Shqipëri.

“Der Standard”: Në Shqipëri po mbyllen mediat kritike

Tragjikomedi
Përfaqësues të Partisë Demokratike, e cila ka bojkotuar parlamentin e zgjedhjet, e quajnë tragjikomike verifikimin e magjistratëve dhe e quajnë qeverinë si “vetëshërbim”, por abuzimi politik me pushtetin e drejtësisë ka bërë prej dekadash dëme në adiminstratë. Megjithatë edhe kritikët më të ashpër të qeverisë Rama theksojnë se negociatat me BE duhet të fillojnë. Komuniteti ndërkombëtar duhet të bëjë çmos për të rritur presionin mbi qeverinë dhe për të mbështetur ndryshimin e nisur.

Der Standard: Edi Rama drejt nacionalizmit dhe autoritarizmit

Unë i përkas opinionistëve të paktë që kanë përjetuar në lëkurën e tyre diktaturën më mizore në Europë, regjimin vrastar të Enver Hoxhës dhë këtë përvojë e ndava me lexuesit e teleshikuesit. Po kështu edhe kur Milosheviçi, Mlladiçi e Karaxhiçi përgjakën shqiptarët e Kosovës.

Forca mahnitëse e rezistencës së popullit shqiptar kundra tendencave autoritare lipset të gjejë mirëkuptimin, ndihmën e solidaritetin e komunitetit ndërkombëtar.

*Profesor Paul Lendvai është një personalitet austriak me origjinë hungareze i cili ka botuar shumë libra, ndër to edhe mbi Shqipërinë, e ka punuar edhe si titullar në televizion publik austriak.



7 Comments

  1. “Forca mahnitëse e rezistencës së popullit shqiptar kundra tendencave autoritare lipset të gjejë mirëkuptimin, ndihmën e solidaritetin e komunitetit ndërkombëtar.” Eshte e qarte qe cdo njeri qe mendon me mendje te kthjellet dhe pa interesa te tjera e kupton qe ka mbetur vetem nje rruge. Sic thote ajo shprehja e bukur popullore: Kur ke vetem nje rruge, ate rruge do marresh. Kjo rruge eshte rezistenca popullore ne shesh. Pervecse rruga e vetme, eshte edhe rruga me e veshtire. Duhen nderruar kuajt se u be kohe qe nuk terheqin.

  2. Dhe trampi makron xhonsoni konti merkel kane nga keto shkrime per qeverite e ketyre vendeve por ne fund te dites tregojn thjesht lirine e te shprehurit te gazetareve dhe vetem kaq,keshtu pse mos te kishte dhe per ramen disa rreshta

  3. Se ku e ka pare forcen mahnitese te rezistences te popullit shqiptar kunder tendencave autoritariste
    vetem autori i shkrimit mund ta dije. Perkundrazi edhe ne kohe te Xhaxhit ka pasur me rezistence aq
    sa vetem dhuna e shfenuar dhe genocidi i pashembullt e “urtoi” popullin.
    Sot deshperimi dhe mungesa e shpreses per nje largim paqesor dhe mbi bazen e rregullave demokratike
    te ketij pushteti qe si nje re e zeze ka eklipsuar cdo arritje demokratike sado modeste te ketyre
    viteve demokraci, po behet perdite e me evidente.
    Rezistenca e popullit shiptar sot i ngjan atij filmit amerikan ” vrapo or mik vrapo”.
    Dhe ne kete psikoze te mungeses se shpreses dhe ikjes pa kthim nje kontribuT te “cmuar” kane
    dhene edhe “ndihma dhe solidariteti i nderkombetareve per kete regjim.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *