• |
ide | kryesore

Si duhet të sillet Albin Kurti me të dërguarin e presidentit Trump

2, Arkiva, Ide



Muaj më parë, Presidenti Trump e kishte veshur me përgjegjësi shtesë Richard Grenell-in, ambasador amerikan në Gjermani, që njëkohësisht është edhe dekan i të gjithë ambasadorëve amerikanë në Evropë, që të ndërmjetësonte për arritjen e një marrëveshjeje paqësore në mes të Kosovës dhe Serbisë.

Se çfarë opinioni kam për presidentin Trump, tashmë kjo dihet botërisht, mirëpo opinioni im dhe opinioni ynë si qytetarë privatë assesi nuk do të duhej të ishte opinion i Qeverisë së Kosovës dhe opinion i institucioneve tona në raport me ShBA’në.

Qeveria e Kosovës e ka obligim që të bashkëpunojë me këdo që është në Shtëpinë e Bardhë dhe më këdo që kjo shtëpi e autorizon që të komunikojë me Kosovën. Në rastin konkret, me Richard Grenell-in.

Takimet e shpeshta të lidershipit të Kosovës me z. Grenell ka mundësi që në sytë e qytetarëve e kanë demistifikuar diplomatin amerikan, mirëpo realisht, pesha e tij politike është tmerrësisht e madhe. Bie fjala, ai pardje ka shkruar që presidenti Trump e ka autorizuar atë që t’i paralajmërojë shtetet evropiane se cilado prej tyre që arrin marrëveshje me kompaninë kineze për rrjetin 5G “do të na pamundësojë që të bashkëpunojmë edhe më tutje në fushën e ndarjes së informatave në nivele të larta”.

Me fjala të tjera, cilido shtet evropian që do të guxojë të futet në bashkëpunim me kinezët do të mbetet në terr informativ sa i përket terrorizmit dhe çfarëdo lloji tjetër të informatave që ata i marrin nga ShBA-ja e që për këto shtete janë të një rëndësie ekzistenciale.

I autorizuar për të biseduar me Evropën për këto tema është Grenell-i e të cilit i ka rënë hise që kohë pas kohe t’i takojë edhe Agim Veliun dhe Avdullah Hotin, Kurtin e Konjufcën e edhe Thaçin e Veselin, e që besa edhe qytetarë të tjerë të Kosovës. Një gjë e tillë ka mundësi që e ka dëmtuar pak reputacionin e tij, sepse, sipas praktikave tona, ne tregohemi shumë më të dëgjueshëm, nëse pala tjetër, ajo që jep urdhra, është më enigmatike. Mirëpo ajo që desha të them është se për Shtetet e Bashkuara të Amerikës, për momentin që ne po flasim, çështja e rrjetit 5G është shumë herë më e rëndësishme se sa kjo e Kosovës me Serbinë, kurse Grenell-i po merret me të dyjat.

Gazeta Express, përmes burimeve të saj, në dy ditët e kaluara ka raportuar për një eskalim të marrëdhënieve Kosovë – ShBA.

Nëse Kurti dhe Qeveria e Kosovës nuk e heqin taksën dhe nuk e zbusin tonin për dialog, nëse nuk heqin dorë nga reciprociteti, kryeministri i Kosovës do të izolohet nga ShBA’ja. Cinikët, ata që nuk kanë përgjegjësi as për vendin e ndoshta as për familjet e tyre, ata të cilëve askush kurrë “puna e mbarë” nuk ju ka thënë, do të dalin nëpër medie dhe do t’i bëjnë thirrje Kurtit që të mos lëshojë pe. Patjetër që do të këtë të tillë shqiptarë gjaknxehtë edhe në LVV që do ta inkurajojnë shokun e tyre që t’ia tregojë vendin ShBA’së, Trump-it dhe Grenell-it. Mirëpo pyetja që qëndron kërcënueshëm mbi kokat tona është kjo: Çka nëse vërtet ShBA’ja heq dorë prej nesh për shkak të një takse idiote?

Nëse rreziku për një skenar të tillë është vetëm 1 për qind, atëherë nuk ia vlen të rrezikohet. Kurse burimet e Gazetës Express tregojnë që ky rrezik është shumë herë më i madh.

Prandaj Kurti nuk duhet të pranojë që agjenda e tij politike të përcaktohet prej anarkistëve. Ai duhet të përgjigjet, duhet të tregojë – e ka obligim moral dhe kushtetues – se cili është plani i tij, se çka do të bëjë ai nëse ndodh diçka ose përse realisht po e mbështet taksën apo edhe planin e tij për reciprocitet. A po e bën këtë ngase Serbia e meriton që t’i përgjigjemi dhëmbë për dhëmbë apo thjesht po e bën për ta bllokuar dialogun deri në një fazë më të mirë?

Nëse po e bën për ta penguar dialogun, ne mund t’i themi që ishalla është duke e ditur çfarë po bën.

Ky është një rulet politik, ku me një bast mund të humbësh çdo gjë të fituar në 30 vjet e për ç’gjë Kurti nuk është që e ka ndonjë meritë të veçantë. Kontributin e tij për shoqërinë ne e presim në vitet në vijim.

Pra, Kurti duhet të dijë se askush nuk e ka autorizuar, ai nuk është votuar për ta vënë në peshore çdo të arritur në këto tri dekada. Ai ka marrë vota për tjetër gjë. Ai është zgjedhur kryeministër, mirëpo shoqëria nuk i ka dhënë mandat për ta rrezikuar aleancën me ShBA’në, madje as me ShBA’në e Trump-it. Këtë mandat nuk e ka askush.

Ne jemi marrë vesh, për shkak të keqqeverisjeve të dy dhjetëvjetëshave të fundit, që të mos lëshohemi shumë thellë në biografinë e kryeministrit Albin Kurti, mirëpo e kaluara e tij na mëson që, së paku në dy momente kritik,e ai ka qenë në anën e gabuar të ngjarjeve. Ka qenë në anën e gabuar në vitin 1999 gjatë konferencës së Rambujesë, kur luftonte që të mos nënshkruhej ajo marrëveshje e që doli marrëveshja më e mirë e nënshkruar ndonjëherë prej nesh (imagjinojeni sikur ta kishim dëgjuar Kurtin që të mos nënshkruhej ajo dhe të mos fillonin bombardimet e NATO’s) dhe e kishte gabim kur thoshte që Pakoja e Ahtisaar-it nuk e bën Kosovën të pavarur. Nëse ai e vazhdon konfrontimin me ShBA’në duke mos pasur plan B, atëherë ne si shtet vërtet kemi probleme serioze. Ndoshta, në këtë rast, LDK-ja duhet të kalojë në planin B, të cilin tash nuk po e elaboroj më tutje se çfarë plani do të duhej të ishte ai. Po e lë në imagjinatën tuaj.

Ndërsa nëse themi që Kurti taksën nuk po e mban për ta penguar dialogun, por thjesht si masë normale ekonomike dhe politike ndaj një shteti që nuk na njeh, atëherë kjo është e diskutueshme. Ne të gjithë pajtohemi që Serbisë duhet t’i përgjigjemi në mënyrë reciproke kudo, kurdo dhe për çfarëdo, por fillimisht duhet t’ia japim kohën e duhur z. Grenell-it, në aleancë me Gjermaninë, për t’i  provuar idetë e tij për marrëveshje përfundimtare. Është shumë më mirë që t’i thuhet JO propozimit, sesa t’i thuhet JO dialogut. Ai, në një reagim të tij në Twitter, sot tha që janë lajme të rreme ato që thonë se plan i tij është ndarja e Kosovës. Këtë postim të tij mund ta përdorim kundër tij në një fazë më të vonshme të dialogut.

Politikisht, Kosova është shumë më mirë tash, sesa ishte para disa muajve. LVV’ja dhe LDK’ja kanë mandat për të biseduar për një marrëveshje me Serbinë. Shumica shqiptare i ka votuar këto dy parti politike. Nuk është më një pakicë shqiptare që qëndron në pushtet falë votave të Listës Serbe. Gjithashtu, edhe Kurti e edhe Osmani, ose sa për atë punë edhe Avdullah Hoti, janë mjaft të përgatitur për të diskutuar dhe dialoguar në nivele të larta ndërkombëtare. Pamjet e shtatë-tetë burrave shqiptarë që shkonin në zyrën e Federica Mogherini-t për të biseduar për dialogun me Serbinë kanë qenë të shëmtuara. Ajo kohë fatbardhësisht ka ikur, ndërsa ata e morën çmimin e merituar. Nuk do të shkojë shumë gjatë dhe çmimin e merituar do ta marrë edhe njeriu i fundit i asaj klike, presidenti Thaçi, sapo t’i skadojë mandati.

Kështu që Albin Kurti është thjesht dhe vetëm në fillimin e punës së tij, kurse rivali i tij më i madh, presidenti Thaçi, është thjesht dhe vetëm në fundin e jetës së tij politike.

Shumëkush ka të drejtë, kur thotë që Albini është më së paku përgjegjës për gjendjen në të cilën ndodhemi, sepse të tjerët para tij e kanë sjellë vendin këtu, duke e përfshirë këtu edhe pozitën e palakmueshme për dialogun.

Sigurisht, de jure, Kurti nuk e ka asnjë përgjegjësi, kurse de facto, si lider opozitar, i ka edhe ai përgjegjësitë e tij. Por të gjitha këto tash janë irelevante. Ai nuk ka ardhur në pushtet me premtimin se “kur të zgjidhem, situata do të bëhet edhe më e rëndë, sepse të tjerët përpara meje kanë bërë shumë dëme”. Jo, ai ka ardhur në pushtet me premtimin që do t’i japë rrugë problemeve të shkaktuara nga ata para tij. Problemet nuk zgjidhen duke i shkaktuar edhe ca të tjera, siç është tensionimi me ShBA’në. Guruja e diplomacisë amerikane, Henry Kissinger, ka thënë se “Amerika nuk ka miq ose armiq të përhershëm, ka interesa”. Kurti e ka obligim që Kosovën ta bëjë interesante dhe interes për Amerikën. Askujt nuk i intereson se kush kishte të drejtë në këtë përballje të Davidit me Goliatin. Në gurin e varrit askujt nuk i shkruan që “filani vdiq, por kishte të drejtë”. Qeveria e Kosovës, e prirë prej tij, duhet të bëhet pjesë e procesit.

Për palestinezët thuhet që sa herë e kanë refuzuar një ofertë të amerikanëve për zgjidhjen e problemit të tyre me Izraelin, ofertën e radhës e kanë marrë edhe më të keqe.

A është karahasimi me Palestinën dhe palestinezët krahasim i saktë? Sigurisht që nuk është krejtësisht i saktë. Ne nuk jemi Palestina, Serbia nuk është Izraeli, mirëpo Amerika është ndërmjetësues në të dyja rastet.

Së këndejmi, ka mundësi që edhe logjika, energjia dhe temperamenti janë të njëjta. “Kemi zgjedhje në nëntor të vitit 2020, prandaj më mirë është që të mos e testosh gatishmërinë tonë.”

Në këto rrethana, pyetjen që duhet t’ia shtrojmë vetes është kjo: A dëshirojmë që të mësojmë në librat tanë të historisë që ne kemi pasur të drejtë në vitin 2020, kur ndaj nesh ishte bërë një padrejtësi e madhe apo dëshirojmë që të mësojmë se ajo ishte një periudhë mjaft e rëndë për Kosovën, por falë një kryeministri të zhdërvjelltë, ne kishim arritur që të dalim faqebardhë nga ajo situatë e palakmueshme, në të cilën na kishin sjellë udhëheqësit përpara tij? Unë do të preferoja që ta zgjidhja mësimin numër 2. Po ti?



10 Comments

  1. Berat,me ke lane pa fjale!!!Shkova e lava,e freskova syte,se nuk po i besoja shkrimit.A e ka shkru vertet Berati?Si gazetar,ne pergjithesi te kam preferuar,por kur tejkaloke detyren e gazetarit,shkoke shume me larg,se sa te lejohet.Edhe ndonje politikan i opozites per qeverine e sapoformuar,nuk ka fol,me nje gjuhe ,si kjo e juaja.Une nuk jam politikan, as nacionalist,e as antiamerikan,por te pranosh te ulesh me dike (cili do qofte ai),e te bisedosh per t’u marre vesh,me breke neper kembe,e tjetri,pa te perfille fare,bile edhe duke te te injorue (duke te permende se je pjese e tij-Serbise),e duke te mohu ne syte e tu,se nuk paska ba asnje masaker ,genocid e te tjera si keto-nuk po permend perdhunimin e grave e vajzave te Kosoves,e as te zhdukurui-pa varre,jo amerikanet te te porosisin,por edhe vete “Allahu”duhet medoemos nje garanci,qe kurrkush,as edhe amerikanet e tu,nuk po dun me e dhane.Edhe Europa e Mogerinit per vite me rralle kane thane se ndihmojme marreveshjen,por ,a e pave more Berat,se vetem ndarjen e Kosoves,te garantuan,dhe te bene edhe presion,qe te pranosh kushtet e saja ( BE).E pse,sipas tejet,Europa na qenka ma e “keqe”se Amerika? Po e permendni shpesh se Amerika e cliroi Kosoven nga Serbet.Po,more Berat ,po,e sulmoi Serbine se ajo kish marre “kot”e ja kishte friken,se Rusia qe gati.Me sulmin e saj,ajo i preu hovin Rusise,por edhe Kines (te kujtohet se qelloi edhe ambasaden Kineze,dhe u zbuluan mjetet qe ata (kinezet) kishin e vepronin ne ambasaden e tyre.Amerika ka sulmuar edhe Vjetnamin,Avganistanin,edhe Irakun,e Sirine,por po i shikon rezultatin,ne te gjitha keto vende? Kam degju se ke marre pasaporte shqiptare,por nese kenke ba kaqe amerikan,kerko e merre edhe nji pasaporte amerikane,e mos shkruj ma ne Gazeten Express,por lidhu me( larg qofte me rrjetin G5) VOA dhe bahu gazetar,i saj,bile mund te shkosh me jetue edhe ne Ameriken tande,kaq te desherueme.

  2. Berat,me ke lane pa fjale!!!Shkova e lava,e freskova syte,se nuk po i besoja shkrimit.A e ka shkru vertet Berati?Si gazetar,ne pergjithesi te kam preferuar,por kur tejkaloke detyren e gazetarit,shkoke shume me larg,se sa te lejohet.Edhe ndonje politikan i opozites per qeverine e sapoformuar,nuk ka fol,me nje gjuhe ,si kjo e juaja.Une nuk jam politikan, as nacionalist,e as antiamerikan,por te pranosh te ulesh me dike (cili do qofte ai),e te bisedosh per t’u marre vesh,me breke neper kembe,e tjetri,pa te perfille fare,bile edhe duke te te injorue (duke te permende se je pjese e tij-Serbise),e duke te mohu ne syte e tu,se nuk paska ba asnje masaker ,genocid e te tjera si keto-nuk po permend perdhunimin e grave e vajzave te Kosoves,e as te zhdukurui-pa varre,jo amerikanet te te porosisin,por edhe vete “Allahu”duhet medoemos nje garanci,qe kurrkush,as edhe amerikanet e tu,nuk po dun me e dhane.Edhe Europa e Mogerinit per vite me rralle kane thane se ndihmojme marreveshjen,por ,a e pave more Berat,se vetem ndarjen e Kosoves,te garantuan,dhe te bene edhe presion,qe te pranosh kushtet e saja ( BE).E pse,sipas tejet,Europa na qenka ma e “keqe”se Amerika? Po e permendni shpesh se Amerika e cliroi Kosoven nga Serbet.Po,more Berat ,po,e sulmoi Serbine se ajo kish marre “kot”e ja kishte friken,se Rusia qe gati.Me sulmin e saj,ajo i preu hovin Rusise,por edhe Kines (te kujtohet se qelloi edhe ambasaden Kineze,dhe u zbuluan mjetet qe ata (kinezet) kishin e vepronin ne ambasaden e tyre.Amerika ka sulmuar edhe Vjetnamin,Avganistanin,edhe Irakun,e Sirine,por po i shikon rezultatin,ne te gjitha keto vende? Kam degju se ke marre pasaporte shqiptare,por nese kenke ba kaqe amerikan,kerko e merre edhe nji pasaporte amerikane,e mos shkruj ma ne Gazeten Express,por lidhu me( larg qofte me rrjetin G5) VOA dhe bahu gazetar,i saj,bile mund te shkosh me jetue edhe ne Ameriken tande,kaq te desherueme.

  3. Me ameriken ne krah, Kosova problemet qe ka me Serbine nuk i japin dhimbje koke. Me pak fjale as qe duhet dikush sido qe ta kete emrin te na armiqesoje me Amerikanet. Shqiptaret i jane borxhli sa te jete jeta. Uroj qe Qeveria Kurti te kete urtesine e mençurine e duhur, e une besoj se Kurti qe ka nje koofiçent te larte inteligjence, sa ta kuptoje shume mire kete realitet.

  4. Zoti Bushala nuk ka kundershtuar ish kryeministrin Haradinaj,qe vendosi taksen,duke deklaruar se ajo-Taksa-hiqet vetem me njohjen e Kosoves,dhe na i turret kryeministrit aktual,qe e kondicionon taksen jo direkt me njohjen,por me nje reciprocitet,qe gjithsesi eshte shume ma pak se njohja!!!

  5. Astriti,qenka tipik shqiptar anadollak.Keto lloj shqiptaresh,e kane lene Shqiperine gjithmone vasale ndaj te medhejve,ose sic quhen bythelepires,si ndaj turkut,qe e kaleroi per 500 vjet,duke ndrruar edhe fene,si ndaj europes,qe e coptoi dhe e la si kokoshi nje thele,si ndaj Jugosllavit,rusit (apo sovjetikut).Nuk duhet bere si puna atij udhetarit qe kur i dha dikush cader te mbrohej nga shiu,ja kujtonte deri sa e merziti dhe u fut ne nje lume :Po te mos kisha cadren tende,a do isha lagur me shume????Po nuk e kuptove,kete…

    1. Mirenjohja nuk eshte aspak gjest anadollak o Krist. Amerika i’u be Kosoves cader nga shiu i plumbave qe nuk ka asnje garanci qe nuk do filloj prap. Analogjia me lumin ne kete rast nuk eshte lagja por mbytja.
      Kosova eshte akoma dhe do jete gjithmone e pambrojtur perpara Serbi-Rusise nese nuk ka aleat te fuqishem, prandaj besnikeria ndaj Amerikes eshte sjellje morale dhe pragmatike ne te njejten kohe.
      Eshte fat qe shpetimtaret ishin amerikanet dhe jo anadollaket e Anadollit qe jane gjithmone verdalle. Amerikanet te pakten ta ruajne nderin dhe nuk te perdhunojne sic na e bene te tjeret 500 vjet.

  6. Edhe ti,zoti Neri,ke te drejte,por se nderhyrja ndaj “mbytjes”,mos harro se u be,vetem kur serbi i vu perpara kosovaret,si bagetia,vrau,perdhunoi sa deshi e sa kishte fuqi,e te tjeret,i sordisi jasht sa ne Maqedoni,e sa ne Shqiperi dhe vetem kur ambasdori i OSBE pa masakren e tmerreshme te Racakut,i tha botes :Hej cfare po beni,dhe Nato u detyrua te mbroje nje popull,por amerika e asaj kohe,nuk i vuri kushte Kosoves,por i vendosi nje baze,per hesap te vet,dhe per te mos krijuar tensione me Rusine,e cila edhe ajo po ben nje te njenjte ne NISH,tani detyron Kosoven te toleroje Serbine,e jo Serbine,te jape llogari kosoves,per te gjitha bemat qe i ka bere.Te tjerat.besoj se i ke lexuar.

  7. e shikoni ku ka mberrit puna …. ?! del nje buzzhalle dhe te meson se si ta kercsh naplonin me i kome …?! hej medet si shkun kto pune

  8. Edhe Trampi e pa se Grenelli ishte,per xhandarmerin dhe jo per diplomacine.E hoqi dhe ne detyren e re,do te gjeje shum shpejt belane.Indirekt Trampi,le te kuptoje se veprimet e Grenellit,nuk kane qene korrekte dhe per t’i mbushur mendjen edhe Berat Buzhales,se diplomatet,nuk duhet te bejne presion,ndaj qeverive-shikoni dhe ne Shqiperi,asnje diplomat nuk i ben jo presion,por as nuk ja ve ne dukja,gabimet edhe trashanike ,qeverise Rama.

  9. Buzhaaaa moti e kam dijt qe je teveqel s pritet hajr prej teje se ne esenc je lahper dhe rraj e dobte me prejardhje !!!

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *