• |
ide | kryesore

BIRN: Rama e shtrin në Kosovë luftën e tij kundër mediave

Të fundit



Shoqata e Gazetarëve të Kosovës ka kritikuar kryeministrin e Shqipërisë Edi Rama për një postim në Facebook ku shprehet se pajtohet me një akademik shqiptar, i cili ka akuzuar mediat e Kosovës për përhapje të gjuhës së urrejtjes kundër Shqipërisë.

“E pata të pamundur të mos e ndaja me ju”, shkroi Rama të martën, duke iu referuar një postimi të mëparshëm nga Rexhep Qosja, i cili akuzoi televizionin T7 dhe Gazeta Express për përhapje të “urrejtjes shoviniste ndaj Shqipërisë”.

Lexo më tej:

Plas në Prishtinë/Qosja akuzon: “Media me axhendë kundër Tiranës”

Qosja tha se këto media ishin edhe më keq sesa ish-lideri serb Sllobodan Millosheviç. Ata ia kishin kaluar edhe “kryeministrit të Serbisë mbretërore, Nikola Pasiç, ose ministrit të Sigurimit të Brendshëm Shtetëror, UDB, të Serbisë dhe Jugosllavisë Komuniste, Aleksandar Rankoviç, ose kryetarit të Serbisë pseudodemokratike-fashiste Sllobodan Milosheviç, që e kanë dëshiruar aq shumë zhbërjen e shtetit shqiptar”, tha ai.

Duke mbështetur këto pretendime, Rama akuzoi mediat kosovare se po zhvillojnë “një ofensivë e egër pushtuese e hapësirës publike të komunikimit, që me vulgaritetin, shpifjet dhe dritëshkurtësinë e saj, ka nisur ta dëmtojë keq vetë Kosovën”.

Asociacioni i Gazetarëve të Kosovës tha, nëpërmjet një njoftimi për shtyp të mërkurën, se i konsideronte sulmet e Ramës shkelje të së drejtës për liri të shtypit, “sidomos duke marrë parasysh raportet e dobëta të kryeministrit me mediat në Shqipëri”.

Juristja e së drejtës së medias, Flutura Kusari, tha për BIRN se Rama ishte bërë tashmë “i famshëm në nivel ndërkombëtar për shumë arsye të gabuar” për shkak të sulmeve të tij të përsëritura ndaj gazetarëve, shpesh duke shënjestruar në veçanti gazetaret.

Sipas Kusarit, Rama ishte mërzitur nga mediat e Kosovës për shkak se qeveria e tij nuk duron dot mendime të ndryshme, kjo ishte arsyeja pse ai tani “po përpiqej të ndoste hapësirën publike edhe në Kosovë”.

Kusari tha se liria e medias ishte përkeqësuar me shpejtësi në Shqipëri nën qeverisjen e Ramës, duke theksuar veprime të tilla si paketat kundër shpifjes, mbylljen e faqeve në internet dhe fushatat e denigrimit kundër gazetarëve individualë.

Në korrik 2019, qeveria e Shqipërisë zbuloi një seri amendimesh ligjore në ligjin për median audiovizuale të vendit si dhe në ligjin për komunikimet elektronike, me synimin për të rregulluar atë që e quan ‘epidemi’ të lajmeve të pavërteta në median në internet.

Më vonë, në dhjetor 2019, parlamenti i kontrolluar nga socialistët miratoi dy ligje që synojnë rregullimin e mediave online, pavarësisht kundërshtimit të Komisionit Europian, Këshillit të Europës, OSBE-së, UNDP-së dhe organizatave vendase për lirinë e shprehjes dhe të drejtave të njeriut.

Në fund të janarit, pas një presioni të madh në vend dhe ndërkombëtar, deputetët e partisë në pushtet morën një vendim të minutës së fundit për të pritur një vlerësim të Komisionit të Venecias, një organ këshillimor i Këshillit të Europës.

Asociacioni i Gazetarëve të Kosovës tha se i ftonte të gjithë aktorët politikë dhe të tjerëve t’i drejtohen institucioneve kompetente në raste shpifjesh të mundshme “dhe të mos kryejnë fushata degraduese kundër gazetarëve”./BIRN



6 Comments

  1. Pra shoqata e Gazetarëve të Kosovës kane protestuar pse Rama shperndau ne facebook statusin e Rexhep Qoses qe beri kunder nje portali dhe nje televizjoni ne Kosove.

    O Shoqata e Gazetarëve të Kosovës , thirrini mendjes. Cdo njeri ka te drejte te japi mendimin e tij ( ne kete rast shperndarja e nje statusi te nje Akademiku) per gjithcka.

    Ku eshte sulmi i Rames ndaj medjave kosovare ketu ?
    Rama thjesht po thote me gjyhen e Facebookut qe, ‘me pelqen ajo qe tha Rexhep Qosja’…

      1. ore kar .. zog kurvet e kopil gomrit, bastard qe ne brez te shtate.
        Kur se kupton cfare po shkruaj , shko shkollohu o i pa tru qe ta marresh vesh.
        Sa per kafken tende , vertet nuk e kam gje ta thyej. Nje parazit , nje vemje me pak me mire i behet Shqiptaris.

  2. E NE FAKT DY PERSONAT QE E KANE DOMTUAR ME SHUME CESHTJEN KOMBETARE NE SHEKULLIN XX-XXI JENI TI DHE REXHEP QOSJA TI ME ÇELSIN E BASHKIS KENGETARIT SERB, DEKLARIMI SE RRUGA E KOMBIT ESHTE RRUGE QE STE CON GJEKUNDI,SHKEMBIME TERRITORESH ME 10 FISHIN NE FITIM TE SERBIS DUKE LENE NE NJE ANE PROBLEMET E HAPJES SE KUTIS SE PADRONES,TAKIMET ME VELLA VUCIC NJEHER NE MUAJ VEPRIMET E TUA BRENDA SHQIPERIS QE CDO GJE E CON UIJN NE MULLIRIN E VUCICIT MINI SHENGENI E TJERE E TJERA .

  3. Nese eshte e vertete se paska media ne Kosovë se përhapin gjuhë te urrejtjes kundër Shqipërisë atehere Edvini ka te drejte. Nese jo atehere artikulli nuk ka vlere …. Apo jo …?!

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *