Nga ardhja e sheikut Al Thani në 2010 në Malaga janë mësuar me befasi e skena filmi. Fillimisht pronari i klubit ka investuar shumë, duke e cuar skuadrën përpara edhe në Champions League. Pastaj, disa probleme me autoritetet lokale, e bënë pronarin të mbyllte rubinetin e e klubi ra në Segunda Division. Një situatë e komplikuar, me luftë të brendshme mes pronarëve e lidhjes së aksionerëve të vegjël. Një betejë në të cilën është futur edhe një konsorcium pranë yllit të Hollywood George Clooney.
Në detaje, sipas presidentit të lidhjes së aksionistëve të vegjël Antonio Aguilera, është një grup sipërmarrësish amerikanë të lidhur me aktorin e famshëm që kanë ndërmend të marrin nga Al Thani mazhorancën e aksioneve të Malaga për të transformuar aktivitetin sportiv të klubit në një reality tv. “Këtu në Malaga ka një grup shumë të rëndësishëm producentësh kinemaje e televizioni, që duan ta bëjnë Malaga Hollywood europian” – ka shpjeguar ai -.
Por duhet zgjidhur në fakt një problem shumë i rëndësishëm. “Ajo që ndosh është se askush nuk ka ndërmend ti paguajë Al Thani cmimin e cmendur që kërkon, 100 milionë për klubin – ka saktësuar Aguilera -. Al Thani e di që konsorciumi mund të ofrojë edhe më shumë, por po negocion, i ka thirrur vetë ai amerikanët të premten për të hapur tratativën”.