Duhet edhe rreth një orë për të nisur super ndeshja e javës së 24 mes Tiranës e Partizanit, por tifozët janë pothuaj në stadium tashmë, duke ndezur atmosferën. Është bërë tradicional tashmë marshimi i organizuar i tifozëve, impresionues në rrugë, ashtu si dhe me skenografitë brenda impiantit. Bardheblutë, që kanë dominancën numerike të tifozerisë kanë pushtuar rrugët me kore e këngë në mbështetje të 24 herë kampionëve, pa harruar të sulmojnë rivalin e vjetër.