• |
ide | kryesore

A është Sokol Sadushi zyrtari i lartë që përmendet në dosjen “Henri Çili”? Reagon ish-gjyqtari

Lajme, Të fundit



Partia Demokratike i është rikthyer çështjes së disa ditëve më parë për implikimin e “një zyrtari të lartë të drejtësisë” në dosjen ndaj botuesit Henri Çili. Aty thuhet se ky i fundit u takua me këtë zyrtar për të ndikuar që dosja e vëllezërve Aliko të bandës së Lazaratit të dënuar për vrasjen e efektivit Ibrahim Basha të shqyrtohej me precedencë.

Sipas selisë blu, Ardian Dvorani është i vetmi anëtar i Gjykatës së Lartë dhe deklaroi se nuk është ai zyrtari i lartë i implikuar kurse Policia dhe Prokuroria nuk nxjerrin emrin. Në këtë situatë PD shënjestroi Sokol Sadushin, ekspert i lartë i Reformës në Drejtësi dhe drejtor i Shkollës së Magjistraturës, i cili pritet të emërohet në mars. PD i kërkoi Sadushit të flasë dhe të japë shpjegime pasi sipas Prokurorisë takimi i radhës për favorin e paligjshëm do e kryente takimin e radhës.

Nuk ka munguar reagimi i ish-gjyqtarit të Gjykatës Kushtetuese. Ai thotë se çdo pyetje retorike e shtruar këto ditë, nëpërmjet deklarimeve politike, mediatike dhe që vë në dyshim integritetin moral e profesional, ka për qëllim të dëmtojë personalitetin e tij pikërisht në këtë moment që lidhet me procedurën e nisur për kandidimin si gjyqtar i Kolegjit Administrativ në Gjykatën e Lartë.

“Deklaroj me përgjegjësinë time të plotë se, me Z. Henri Çili prej shumë kohësh nuk kam pasur asnjë komunikim të drejtpërdrejtë apo të tërthortë, në ambiente publike apo private, për asnjë çështje, përfshirë ato që implikojnë personalitetin tim dhe, për më tepër, që lidhen me çështje gjyqësore penale. Çdo deklarim i bërë ndaj personit tim mbi këtë ngjarje nuk përputhet me të vërtetën, sikurse jam i bindur se do të rezultojë në përfundim të procesit penal” – thotë Sadushi në reagimin e tij. Ai thotë se prokuroria duhet të sqarojë se cili është “funksionari i lartë i drejtësisë”.©LAPSI.al



4 Comments

  1. PDja po luan lojen e ‘ elminimit te mundesive’ ..
    Beri diversjon me nje gjoja pyetje retorike , por te pare si do reagonte ky gjyqtari. Nese ky nuk do reagonte , atehere ata do vazhdonin ti binin akoma me keq sazeve me pyetje te tjera retorike. Tani qe ky reagoi, kalojme ne verifikimin e kandidatit tjeter.
    Ata thjesht po kerkojne te zbulojne kush eshte juristi qe eshte takuar me Cilin se sic duket spiunet e PDs ne prokurori paskan dale huq. Mbase dhe sepse ceshtjen e ka ndjekur prokuroria e Permetit ku me te gjitha gjasat PDja nuk paska spiune.

  2. gjenite me te medhenj te kesaj bote jane pikerisht ata qe kerkojne gjurmet kur prapa shkembit perballe uleret ujku

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *