• |
ide | kryesore

Macron presion Shqipërisë: Merrni sa më shpejt emigrantët që u është refuzuar azili

Lajme, Të fundit

Franca po ushtruar presion diplomatik ndaj Shqipërisë dhe disa vendeve të tjera për të përshpejtuar proceduarat e deportimit të shtetasve të cilëve u refuzohet azili. Kjo zbulohet nga një investigim i televizionit francez “France 24” që thotë se aktualisht deportimi është një proces i gjatë dhe i kushtueshëm.

Shpesh herë vështirësia lidhet me refuzimin e shtetasve për të bashkëpunuar me autoritetet apo ngadalësia e personelit konsullor të vendeve të origjinës për të plotësuar dokumentet e nevojshme për të deportimin e detyruar. Sipas “France 24”, kjo çështje është kthyer në një përparësi për presidentin Emmanuel Macron, i cili nga ana tjetër ka kërcënuar disa vendeve me kundërmasa në rast se nuk bashkëpunojnë.


“Unë kam emëruar një ambasador të posaçëm përgjegjës për imigracionin dhe negociatat me shtete të ndryshme dhe u kam thënë të gjitha vendeve: “Unë nuk do të jap më viza.” – citohet Macron.

Ora News raporton se ngurrimi i Shqipërisë për të bashkëpunuar më tepër se me lëshimin e lejeve të kalimit, lidhet shpenzimet që duhen për deportimin. Një pjesë e shpenzimeve duhet të mbulohet nga vendet e origjinës së personave që deportohen.

Kërcënimi duket se funksionoi dhe autoritetet e vendeve të ndryshme e kanë rritur numrin e lejeve të kalimit për qytetarët që të deportohen. Lëshimi i këtyre lejeve u rrit nga 36% në vitin 2017 në 58% në 2019-n. Franca është vendi i BE-së ku shqiptarët kanë paraqitur numrin më të lartë të kërkesave për azil.

Sipas Agjencisë Europiane për Mbështetjen e Azilit, gjatë tremujorit të tretë të vitit 2019, 1835 shtetas shqiptarë kërkuan azil në Francë.

Në përgjithësi Franca është vendi që merr më shumë kërkesa për azil se çdo anëtar tjetër i Bashkimit Europian. Vitin e kaluar autoritet morën gjithsej 133 mijë kërkesa për azil, 7.3% më shumë nga një vit më parë. Në rritje janë gjithashtu deportimet e detyruara të të huajve të cilëve u është refuzuar leja e qëndrimit.

Kjo çështje risillet në vëmendje vetëm dy javë nga vendimi i Këshillit Europian për bisedimet e pranimit. Tetorin e kaluar, kur ky vendim u bllokua me veto nga Franca, një prej çështjeve të cilave iu referua presidenti francez Macron ishte edhe numri i lartë i kërkesave për azil nga Shqipëria. /Ora News

1 Comment

  1. Prit makron sa te marrim nja 400 mije siriane e afrikane qe as bullgaria e greqia vende te BE nuk duan ti marrin. A jemi marr vesh per shkembim popullsish, ne ju sjellim shqipetar andej dhe ketej presim xaxa!

Lini një Përgjigje

Adresa juaj email s’do të bëhet publike.

Kthehu