Asnjë përshpejtim e asnjë frenim vendimtar: tratativa për shitjen e Romës nga James Pallotta a Dan Friedkin vazhdojnë me kohët dhe mënyrat e përcaktuara për një cështje të një rëndësie të tillë. Vetëm dje u përhapën zëra për një takim në zyrat e Raptor në Neë York për të firmosur shitjen, por të dyja palët e kanë mohuar. Pallotta, në vecanti është shprehur në Twitter, duke tërhequr mbi vete edhe kritikat e tifozëve verdhekuq.
Numri 1 aktual i kryeqytetasve është përgjigjur në një postim të gazetarit John Solano (RomaPress) që kishte postuar vendin e takimit të pretenduar: “Wow. Këtë e gabove”.
The location of today's action, headquarters of @RaptorGroup in Manhattan @ASRomaPress pic.twitter.com/9bTGwGbJfr
— John Solano (@Solano_56) March 5, 2020
Tifozët verdhekuq kanë shpërthyer menjëherë. Në fund të fundit, në Romë tifozët presin me ankth zhvillime mbi të ardhmen e shoqërisë, të pakënaqur nga administrimi i Pallotta, të cilin në muajt e fundit e kanë kritikuar dhe kontestuar në stadium e me parrulla. Ardhja e mundshme e Friedkin shihet me shpresën për të kthyer verdhekuqtë kompetitivë e kjo vonëse ka acaruar nervat e tendosura të tifozëve romanë.