Koronavirus po bëhet gjithnjë e më tepër problem për futbollin dhe dyert e mbyllura në Serie A nuk duket se japin garancinë e plotë kundër emergjencës së sëmundjes. Mario Balotelli, i pari ndër lojtarët, ka reaguar në Instagram, duke kërkuar qartë ndalimin e kampionatit. “E dua futbollin më shumë se ju, por të luash do të thotë të udhëtosh me autobus, tren, avion, të flesh në hotel, të futesh kudo në kontakt me persona të tjerë jashtë shoqërisë tënde ku punon – shkruan futbollisti i Brescia -. Që tani nuk i shoh fëmijët e mi për këtë koronavirus të mallkuar, sepse sic e dini nuk jetojnë në Lombardi e kjo është stresuese dhe e trishtë për mua. Sigurisht nuk do të doja kurrë që mamaja ime, me të cilën jam në tavolinë për të ngrenë pothuaj cdo ditë, të mbetej e infektuar. Për cfarë? Për të zbavitur dikë tjetër? Ose për të mos humbur para? Mos u tallni tani! Merrni me vete ato që keni thënë, se e tepruat. Nuk luhet me shëndetin djema”.
E kotë të thuash se Balotelli është rreshtuar kështu menjëherë me Damiano Tommasi, presidenti i shoqatës së futbollistëve në Itali, që kishte folur për lojtarë të frikësuar e për nevojën për të vlerësuar një ndalesë: “E mendoj si ty 100%. Paratë nuk vlejnë sa shëndeti. Zgjohuni”.