“Nuk do të ketë më një “zonë të kuqe”. Masat strikte do të shtrihen nesër në të gjithë Italinë.” Janë fjalët që tha pak minuta më parë në një konferencë për shtyp, kryeministri i Italisë, Giuseppe Conte.
“Të prekurit dhe viktimat nga Covid-19 po rriten në mënyrë të ndjeshme” – tha kryeministri duke kërkuar nga të gjithë populli italian që të qëndrojë në shtëpi. Shkollat dhe universitetet do të qëndrojnë të mbyllura deri në 3 prill.
“Lëvizjet nga një rahon në tjetrin për punë, nevoja të rëndësishme apo shëndetësore duhet të raportohen te autoritetet” – tha Conte duke theksuar se do të anullohet çfarëdo lloj aktiviteti që shkakton grumbullime njerëzish. Kryeministri kërkoi nga italianët që “të ndryshojnë zakonet e jetës së përditshme” për të mirën e Italisë.
Shifrat e fundit të bëra publike nga autoritetet janë alarmante, vetëm në 24 orët e fundit kanë ndërruar jetë 97 persona duke e çuar totalin në 463 persona. Numërohen tashmë 7 985 persona të prekur nga të cilët 1 598 u përkasin 24 orëve të fundit.
Është rritur edhe numri i të shëruarve të cilët janë 724 ndërsa 102 persona kanë kanë lënë spitalin orët e fundit. 733 persona janë në tërapi intensive ndërsa 4316 janë të shruar në spitale. Italia ka bërë deri tani mbi 53 800 analiza për covid-19. (Shqipëria ende nuk e ka kaluar 100).
Autoritetet thanë se ka pasur përmirësim të ndjeshëm ai që quhet “pacienti 1”. 38-vjeçari është shkëputur nga frymëmarrja artificiale dhe është nxjerrë nga terapia intensive. ©LAPSI.al
mire tju behet italjana. ju zuri haku otrantos ere pepina
Gazetari yne,njofton nga Rinasi,se ne avion sapo ka mbritur nga Roma,dhe mbas dite priten edhe dy avione te tjere nga Italia.Genjen gazetari,apo nuk vlen dekreti i kryeministrit Italian,per izolimin total te Italise????
Thuhet se sot erdhi nje traget dhe pritet te vije nje tjeter. WTF