Futbolli serb nuk ndalet, edhe në ditën në të cilën presidenti i Federatës serbe (Fss) Slavisa Kokeza rezultoi pozitiv në testin e koronavirus. Lajmii i infektimit të Kokeza ka ardhur nga burimi më zyrtar i mundshëm: e ka dhënë presidenti serb Aleksandar Vucic, duke konfirmuar atë që përflitej në shtyp në orët e fundit. “Kam folur me të, ndihet mirë”, ka thënë Vucic.
Javën e kaluar Kokeza kishte marrë pjesë në Kongresin e Uefa-s në Amsterdam. Sipas Vucic infektimi nuk ka ndodhur në qytetin hollandez, por në Milano. “Gjithcka nisi aty”, ka thënë presidenti, i cituar nga agjensia Tanjug. Vucic nuk ka dhënë detaje të vecanta mbi infektimin e pretenduar në kryeqendrën lombarde. Ka shtuar vetëm se dy bashkëpunëtorë të Kokeza, që ishin me të në Amsterdam kanë rezultuar negativë ndaj Covid-19.
Paradoksi është se, pavarësisht pozitivitetit të Kokeza, në Serbi për momentin vazhdohet të luhet. Masat e vetme që janë marrë nga qeveria serbe, të paktën deri në këtë moment, lidhen me ndalimin e grumbullimeve mbi 1000 persona.