Milani do të ndryshojë përsëri lëkurë sezonin e ardhshëm. Fuqi e plotë administratorit Gazidis pas shkarkimit të Boban me Maldinin i destinuar tashmë për të përshëndetur “Djallin”. Dhe duket në “fije të perit” qëndrimi i Piolit, edhe sepse është shumë vështirë që tekniku të arrijë të mbajë vendin në pankinë. Hija e Ragnik ka ca kohë që po rri pezull mbi trajnerin nga Parma, me gjermanin në rreshtin e parë në mendimet e Elliot dhe Gazidis për projektin e ri të Milanit. Skenari që vë në rrezik konfirmimin e shumë emrave të mëdhenj në skuadrën kuqezi duke filluar me Zlatan Ibrahimovic. Kampioni suedez ka dyshime për të ardhmen dhe për konkurrencën në ekip dhe mund të refuzojë propozimin e rinovimit, duke pasur parasysh që kontrata skadon në 30 qershor. Ibra tashmë do të shikojë përreth, me menaxherin e fuqishëm Mino Raiola, shumë aktiv për t’i gjetur atij një strehim të ri në rast të lamtumirës nga “Djalli”
E ARDHMJA E IBRAHIMOVIC, I BËN FAVOR INTER
Një hipotezë sugjestionuese për Ibrahimoviç mund të ishte Napoli, ku Gennaro Gattuso do të bënte letra false për ta pasur në skuadër. Vlerësimi i Ringio për ish-shokun e skuadrës është i njohur dhe trajneri kalabrez do të vinte emrin e qendërsulmuesit në krye të listës së blerjeve që do t’i dorëzohej pronarit De Laurentiis. Një zbarkim eventual i Ibrahimovic në “San Paolo” do të shkaktonte tronditje në repartin e sulmit të Napolit. Me konfirmimin e Mertens, drejt rinovimit për dy sezone të tjera, Milik dhe Llorente janë të destinuar të përshëndesin klubin dhe të ndryshojnë fanellë. Të dyve u përfundon kontrata më 2021 dhe si polaku, ashtu dhe ish-sulmuesi i Tottenham nuk do të jenë pjesë e planeve të Gattuso. Një mundësi që mund ta kapë Inter, që kërkon përforcime në sulm, për më tepër arsye me largimin e mundshëm, me destinacionin Barcelonën, të Lautaro Martinez. Milik padyshim do të përfaqësonte një shpenzim të shtrenjtë për Marotta (De Laurentiis e vlerëson atë rreth 40 milion), ndërsa Llorente do ta lironte veten shumë më pak dhe do të vepronte si një sulmues plotësues për Conten.