• |
ide | kryesore

Covid-19/ 17 turistë shqiptarë bllokohen në Spanjë

Lajme, Të fundit



Ndërkohë që me kufizimet e reja për shkak të koronavirusit të gjitha vendet europiane kanë marrë masa për t’iu ardhur në ndihmë shtetasve të tyre, Shqipëria nuk ka ende një informacion për shqiptarët e mbetur jashtë kufijve prej kësaj situate. Koronavirusi ka bllokuar në Spanjë 17 shtetas shqiptarë të rritur e fëmijë.

News24 raporton se shqiptarët nuk mund të kthehen dot pas mbylljes së kufijve nga Spanja, e cila po përballet me një situatë të rënduar nga koronavirusi dhe është vendi i dytë në Europë me numrin më të madh të të prekurve.

Mësohet se shqiptarët e bllokuar janë bashkë me fëmijët dhe kishin shkuar në Spanjë për pushime. Ata kanë kërkuar ndihmë në ambasadën shqiptare në Madrid por nuk kanë marrë një përgjigje pozitive e as garanci.

Shtetasit shqiptarë nuk mund të udhëtojnë në asnjë vend tjetër, pasi Spanja i ka bllokuar kufijtë dhe nuk lejohen lëvizjet. Ata kanë bërë apel për ndihmë nga shteti që të kthehen në atdhe. Në Spanjë janë prekur nga koronavirusi 11,826 persona. /bw



3 Comments

  1. Te papergjegjshem, ka 1 jave qe jane mbyllur kufijte ketu e flitet per gjithandej, keta e marrin me qetesi nuk e lene turizmin. Aty te rrine tashi

  2. Shpellkaret ne rradhe te pare per nga karlliku shkuan me pushime,vazhdoni pushoni,kerkojini lulushit tju dergoje ndonje lek dhe ushqime

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *