• |
ide | kryesore

Shpallet gjendja e jashtëzakonshme në Maqedoninë e Veriut

Arkiva, Lajme, Të fundit
Stevo



Presidenti i Maqedonisë së Veriut, Stevo Pendarovski, ka shpallur gjendje të jashtëzakonshme si masë për përballje me koronavirusin.

“Vendimin për shpalljen e gjendjes së jashtëzakonshme e kam shpall me qëllim të mbrojtjes së qytetarëve dhe përballje dhe evitimin e pasojave nga koronavirusi. Gjendja e jashtëzakonshme do të zgjasë 30 ditë. Para skadimit të afatit pres që qeveria të më dorëzoj një plan të detajuar lidhur me efektin e masave që janë ndërmarrë dhe me propozim nëse ka nevojë për vazhdimin edhe për 30 ditë të tjerë apo heqjen e masës”, ka deklaruar Pendarovski, raporton Rel.

“Marrja e këtij vendimi tregon se sa e ndërlikuar është situata dhe sa është rreziku për të gjithë ne. Nga e mërkura pushteti ekzekutiv do të ketë kompetenca më të madha dhe do të mund t’i shfrytëzojë të gjitha resurset shtetërore për përballje sa më efikase me epideminë. Qeveria do të mund të merr vendime me fuqi ligjore me qëllim vendosjen e kufizimeve më të mëdha në lëvizjen e njerëzve dhe në veçanti të siguroj mjete në mbështetje të ekonomisë”, ka theksuar presidenti.

Perandovski deklaroi se liderët e të gjitha partive i kanë dhënë mbështetje vendimit për shpalljen e gjendjes së jashtëzakonshme. Qeveria teknike me përfshirjen edhe të opozitës do të vazhdojë të funksionojë edhe në të ardhmen. Presidenti tha se zgjedhjet do të shtyhen deri në krijimin e kushteve për mbajtjen e tyre në kushte normale.

Deri më tani në Maqedoninë e Veriut është raportuar për 31 persona të infektuar me koronavirusin.



1 Comment

  1. Si shpjegohet qe si me telekomande e gjith bota ka dale nga mendja? ncncnc.Tani po e kuptojm shprehjen nuk keni pare asgje akoma. A thua se ka rene murtaja.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *