“Luani në shtëpi, luani për botën”. Cristiano Ronaldo zbret sërisht në fushë në betejën kundër koronavirus, duke dhënë një apel të ri për të luftuar të gjithë bashkë Covid-19: “Nëse keni ëndërruar ndonjëherë të luani për miliona persona në botë – ka shkruar kampioni portugez i Juventus në rrjetet sociale, nga shtëpia e tij në Madeira – tani erdhi rasti juaj”.
“Bota po kalon një moment shumë të vështirë, që kërkon kujdes maksimal nga ana e të gjithëve ne – kishte shkruar Cristiano Ronaldo pak ditë më parë gjithnjë në rrjetet sociale – Ju flas sot, jo si futbollist, por si një bir, një baba, një njeri i përfshirë në këto zhvillime të fundit që po godasin të gjithë botën. Është e rëndësishme të ndjekim këshillat e Organizatës Botërore të Shëndetësisë dhe organeve të qeverisë, se si të administrojmë situatën aktuale. Të mbrojmë jetën e njerëzve duhet të vijë përpara cdo interesi tjetër”.
If you ever dreamed of playing for millions around the world, now is your chance. Play inside, play for the world.#staysafe #playinside #playfortheworld pic.twitter.com/Ie5i9BjzEM
— Cristiano Ronaldo (@Cristiano) March 21, 2020