• |
ide | kryesore

Inter zëvendëson Lautaro: këmbim me Coutinho dhe nga Arsenal vjen Aubameyang

Sport

Rikthimi i Philippe Coutinho tek Inter po bëhet një hipotezë gjithnjë e më e mundshme. Kartoni i brazilianit të datëlindjes 1993, që u largua pikërisht nga zikaltrit në janar të 2013 për të shkuar tek Liverpool, është në pronësi të Barcelonës: aktualisht “Cou” është në huazim me të drejtën e blerjes tek Bayern Mynih por është shumë e pamundur që klubi bavarez ta ushtrojë të drejtën, duke derdhur 120 milionë euro sipas akordit të gushtit të kaluar.

Në rast se duhet të kthehet në Katalonjë, është e vështirë që lojtari të mbetet me blaugranat. Sipas asaj që bën të ditur Mundo Deportivo, braziliani do të donte të bënte rikthimin e tij në Angli, tek Liverpool, edhe pse në ndjekje të tij janë gjithashtu Chelsea, Tottenham, Arsenal e Manchester United. Por Barcellona ka ndërmend ta luajë këtë kartë në tratativat me Inter e Parsi Saint-Germain për Lautaro Martinez e Neymar. Lojtari i pëlqen shumë Conte e vlerësimi është identik me atë të Toro (111 milionë, sa klauzola e zgjidhjes së kontratës me Inter) mund të lehtësojë përfundimin me sukses të tratativës.

Ndërkohë, nga Anglia rikthehet në qendër të vëmendjes emri i Pierre-Emerick Aubameyang. Sulmuesi i Arsenal, të paktën sipas asaj që bën të ditur Daily Mail, i intereson disa klubeve të rëndësishme europiane, mes të cilëve Barcellona, Paris Saint-Germain, Manchester United, por mbi të gjithë Inter. Kontaktet me stafin e lojtarit janë vendosur prej kohësh, pikërisht për tu gjetur të përgatitur në rast të një dalje të Lautaro Martinez, duke i vënë në krah Lukakut një tjetër sulmues klasi.

Lini një Përgjigje

Adresa juaj email s’do të bëhet publike.

Kthehu