Nëse situata e klubeve Europiane është komplekse, ajo e atyre në Ligue 1 është edhe më shumë, për shkak të emergjencës koronavirus. Sipas asaj që filtron nga Franca, kampionati i futbollit duhet të mendojë rinisjen shumë më vone se maji: “Nuk mund të luajmë deri kur kurba e infektimeve nuk kthen, që parashikohet nga korriku ose gushti, në hipotezën më të mirë në mesin e qershorit” ka thënë Bernard Caiazzo, presidenti i Saint-Etienne.
Nuk dihet kur do të rinisë futbolli por ‘nëse’ nuk duhet marrë fare në konsideratë sipas Caiazzo: “Duhet të mbarojmë kampionatin me cdo kusht: pa ndihmën shtetërore, brenda gjashtë muajsh gjysma e klubeve profesioniste do të shpallin falimentimin. Pesë kampionatet kryesore europianë kanë humbu që tani 4 miliardë euro, Ligue 1 mes 500 e 600 milionë euro” ka thënë ai për France Bleur Loire.