• |
ide | kryesore

Video/ “Që mos themi mblodha kanaçe birre”: përgatitësi atletik i kombëtares leksione shtëpie për futbollistët

Sport, Video

Bayern Mynih stërvitet me video-konferencë, Inter ndërton program të personalizuar e kështu shumë klube kanë vepruar për ti qendruar pranë futbollistve në këtë moment të pazakontë. E pikërisht për ti qendruar pranë lojtarëve Federata Shqiptare e Futbollit bën atë që klubet e kanë të vështirë në Shqipëri. Në fushë zbret përgatitësi atletik i kombëtares, Luigi Febrari, që është impenjuar të ndihmojë lojtarët të ruajnë formën e tyre fizike: “Nuk do të më pëlqente të lexoja intervista të tilla si ‘Përpjekja maksimale që bëra në një periudhë kalimtare ishte të mblidhja një kanaçe birre’. Është tjetër gjë të thuhet se ‘Unë jam stërvitur në shtëpi duke ngjitur shkallët me shpejtësi të ndryshme me shportat e shisheve të mbushura me ujë me ngarkesa të ndryshme’.

Italiani i ndërgjeshëm se “edhe klubet të futbollit u detyruan të ndërpresin duke detyruar kështu edhe lojtarët të kryejnë një periudhë pasiviteti, e cila duhet të menaxhohet me kujdes dhe pse në mënyrë të përkohshme” ka shpejtuar të ndërtojë një program të përgjithshëm që mund ti vijë në ndihmë futbollistëve, për të ruajtur formën në kushtet e shtëpisë.

“Stimulimet që nxisin “FAKTORËT E EKZEKUTIMIT” mungojnë, dhe përkatësisht: Koordinimi Specifik, domethënë përbërësit TEKNIK- TAKTIKE-FIZIKE të cilat janë të pandashme për nga natyra e tyre dhe të integruara” shpjegon italiani, që në një video ka shpjeguar edhe mënyrën si duhet vepruar për të qenë gati në momentin që gjithcka do ti kthehet normalitetit.

Lini një Përgjigje

Adresa juaj email s’do të bëhet publike.

Kthehu