Në pritje të takimit Lega-Aic të hënën, Juventus është vënë në lëvizje në lidhje me cështjen e shkurtimit të pagave. Duke parë emergjencën, hapin e parë e bëri kapiteni Giorgio Chiellini, që nga dhoma e tij në J-Hotel mori në dorë situatën, duke i bërë një apel senatorëve të skuadrës, mbi nevojën për të reduktuar pagën. Janë përgjigjur menjëherë pozitivisht Buffon, Bonucci e mbi të gjithë CR7. Detaj aspak i vogël, duke patur parasysh 31 milionët sezonalë të portugezit e peshën e tij në dhomat e zhveshjes.
Për momentin nuk është akoma i qartë kufiri i shkurtimit të pagave që po diskutohet në Continassa, por shpejt Chiellini duhet të kompletojë komunikimin me shokët e tjerë për tu akorduar e për ti prezantuar klubit propozimin e tyre kompakt. Sipas Tuttosport, Buffon, Bonucci e Ronaldo kanë dhënë disponibilitetin e tyre mbi këtë cështje e duket se edhe bardhezinjtë e tjerë do të jenë dakord, duke parë pozicionimin e të mëdhenjve.
Mbeten për tu përcaktuar detajet, duke parë situatat e ndryshme. Në kushtet e një zgjedhje në unison, mund të vendoset për shkurtime proporcionale në varësi të pagave, për të mos goditur në mënyrë të rëndë, atë që fiton më pak. Në pritje të kuptohet si do të përfundojë përplasja mes Ligës e Tommasi mbi pezullimin e pagave të kërkuar nga klubet, lojtarët e Juventus po përgatiten të bëjnë pjesën e tyre në mënyrë autonome për të përballuar emergjencën e për të mos peshuar mbi arkat e shoqërisë.