“Në fillim isha gati krenar”. Ish-sulmuesi Vitali Kutuzov, që kulmin e karrierës e pati në Itali me fanellat e Milan e Sampdorias, është i shqetësuar për Bjellorusinë e tij, ku ende luhet futboll, pavarësisht emergjencës koronavirus. “Nuk mund të mendoj që gjithë bota është budallaqe e ne jemi më dinakët – ka thënë ai në një intervistë për ‘Il secolo XIX’ – Tani duhet të kemi kujdes. Kam dyshimin se në vendin tim nuk e kanë kuptuar mirë dimensionin e problemit”.
Kutuzov, 40 vjec të mbushur në 20 mars, jeton tashmë në Varese, por ankthi është i gjithi për vendlindjen e tij: “Në fillim më pëlqente të mendoja se ishim më të fortë se të gjithë në Europë, që po jepnim shembullin e një vendi që nuk ka frikë – pranoi ai – Por me kalimin e javëve, duke parë cfarë ndodh në gjithë botën, jam realist. Nuk do të desha që dikush të përfitojë nga kjo situatë”.