• |
ide | kryesore

Shkelën masat kufizuese/ 41 shoferëve u bllokohet mjeti, gjobiten 270 persona

Arkiva, Lajme, Të fundit

41 personave iu janë bllokuar patentat në 24 orët e fundit ndërsa 270 persona janë gjobitur pasi kanë shkelur masat kufizuese të vendosura për të luftuar koronavirusin.


Njoftimi: 


Shërbimet e Policisë vijojnë kontrollet në të gjithë territorin, në zbatim të masave kufizuese të shpallura nga qeveria shqiptare, për vënien në kontroll të pasojave që sjellin përhapjen e COVID-19.

Gjatë 24 orëve të fundit, në të gjithë vendin janë evidentuar 41 drejtues mjetesh që kanë shkelur urdhrin e ndalim qarkullimit, të cilët janë ndëshkuar me heqje të lejes së drejtimit dhe bllokim mjeti, në zbatim të Aktit Normativ Nr. 3, datë 15.03.2020 ”Për marrjen e masave të veçanta administrative gjatë kohëzgjatjes së periudhës së infeksionit të shkaktuar nga virusi COVID-19″.

Ndërkohë, në Tiranë është arrestuar në flagrancë shtetasi A. B., 45 vjeç, banues në Tiranë, i cili është konstatuar duke drejtuar mjetin në gjendje të dehur, në masën 1.11 mg/l.

Në të gjithë vendin, gjatë 24 orëve të fundit, si rezultat i kontrolleve të ushtruara nga strukturat e Policisë dhe denoncimeve të ardhura nga qytetarët në adresat zyrtare të Policisë së Shtetit, në 112/129 dhe Komisariatin Dixhital, janë evidentuar dhe ndëshkuar me masë administrative 10.000 lekë, 270 shtetas, të cilët u konstatuan nga shërbimet e Policisë duke lëvizur në këmbë apo me biçikleta, pa ndonjë arsye apo emergjencë.

Në Tiranë është arrestuar në flagrancë shtetasi K. J., 18 vjeç, banues në Tiranë, sepse gjatë pasdites së djeshme duke lëvizur pa leje ka kundërshtuar dhe goditur me grusht punonjësit e Policisë, si dhe u proceduan penalisht shtetasit L. GJ., 20 vjeç dhe E. J., 25 vjeç, banues në Tiranë, sepse janë konstatuar duke lëvizur gjatë orarit të ndaluar të lëvizjes dhe kanë kundërshtuar urdhrin e punonjësve të Policisë.

Në Berat është arrestuar në flagrancë shtetasi D. R., 33 vjeç dhe është proceduar në gjendje të lirë shtetasi A. P., 49 vjeç, pasi janë konstatuar nga punonjësit e Policisë duke lëvizur pa mjet identifikimi, jashtë orarit të lejuar të lëvizjes dhe kanë kundërshtuar punonjësit e Policisë gjatë shoqërimit për në komisariat, ku shtetasi D. R. i ka kundërshtuar punonjësit me dhunë.

Në Pogradec, nga shërbimet e Policisë, gjatë kontrolleve të ushtruara për personat e vetëkarantinuar, janë evidentuar dhe ndëshkuar me masë administrative 700.000 lekë, shtetasja D. K., 32 vjeçe dhe I. M., 26 vjeç, të cilët ishin kthyer nga një qytet i Maqedonisë së Veriut dhe duhet të ishin vetëkarantinuar, por janë konstatuar jashtë ambienteve të banesës.

Në të gjithë vendin janë konstatuar 5 njësi tregtie që nuk kanë zbatuar orarin e mbylljes dhe ndaj administratorëve është marrë masa administrative, në bazë të nenit 3, pika 7 e Aktit Normativ Nr. 3, datë 15.03.2020.

Në Sukth, gjatë kontrolleve nga shërbimet e Policisë Durrës është konstatuar i hapur për herë të dytë, lokali “Bar kafe” në administrim të shtetasit A. J., të cilit iu bllokua aktiviteti për 6 muaj.

Policia e Shtetit apelon për të gjithë qytetarët që të respektojnë masat kufizuese, për të bërë të mundur parandalimin e përhapjes së COVID-19.

2 Comments

  1. jU LUTEM MOS U TREGONI KAQ TE BUTE. ME SHUME REPRESION, ME SHUME GJOBA

    ME SHUME BURG PER KETA QAFIRA. AS FRYME NUK DUHET TE MARRIN PA LEJEN

    E QEVERISE. U BENE KETA RRJEPACAKE TE DALIN PA LEJE NE PAZAR. KANE LEKE

    PER GJOBA E ANKOHEN SE S’KANE PER BUKE. PSE QEVERIA DO U SIGUROI BUKEN

    JU, PO SPATET BUKE HANI BISKOTA. FARE E KEQE.

  2. Ju Police qe vendosni kesisoj gjobash,pa fre fare,ju mjerane rilindas socialiste qe shiprtin e keni me zi se e zeza ?Jeni ndyresira te pashembullit,mbajini mend,mos i harroni keto plehra,kurren e kurres mos i harroni !Keta jane vrases ne nje menyre te veçante,keta jane te papergjegjshem,mjafton te thote nje i semure mendor vendosni gjoba dhe vu,maskarenjte ne rruge,e ke gjobisin ?Fukarenjte,te pamundurit,te lodhurit qe kane shkelur kufirin e narkos dhe ndeshkimi ne dite mortaje,vetem katilet e bejne !Rregjistroni me video,ruani gjobat,neser do ju duhen,do ti shkerrmoqim keta kmere te kuq!Fjalen e zotit keni ?!

Lini një Përgjigje

Adresa juaj email s’do të bëhet publike.

Kthehu