Dhoma Amerikane e Tregtisë ka shfaqur shqetësime në lidhje efektet e pafavorshme që këto masat e qeverisë po shfaqin në komunitetin e biznesit në Shqipëri.
Prandaj, përmes një letre i bën thirrje qeverisë që miratojë disa propozime në lidhje me gjendjen e vështirë të biznesit dhe sipërmarrjes në vend.
Sipas Dhomës Dmerikane të Tregtisë, një numër i madh biznesesh në të gjithë sektorët, iu është dashur të zvogëlojnë ose pezullojnë plotësisht aktivitetin e tyre në përputhje me urdhrat e reja të Qeverisë
Po ashtu, në letër shtohet se ata po përjetojnë një rënie të konsiderueshme të xhiros se te ardhurave. Kjo rënie e të ardhurave po pengon shumë biznese të përmbushin detyrimet e tyre financiare, përfshirë më të rëndësishmen, pagimin e punonjësve të tyre.
Dhoma i bën thirrje Qeverisë të miratojë katër propozimet e mëposhtme:
Sigurohuni që të gjitha bizneset, pavarësisht nga madhësia të kenë mundësi aksesi ne Fondet e Emergjencës COVID-19 në mënyrë që të vazhdojnë aktivitetin gjatë kësaj periudhe.
Siguroni përfitime të Pagesës së Papunësisë për të gjithë punonjësit e kualifikuar, pavarësisht nga madhësia e kompanisë që po i pushon ata.
Shtyni parapagimin e taksave për vitin 2020.
Ne nxisim Qeverinë që të konsultohet me palët e interesit përpara se të marrë vendime me pasoja te rëndësishme për bizneset.
Dhoma Amerikane shprehet se këto hapa do të bëjnë të mundur lehtësimin e duhur, rritjen e likuiditetit dhe aksesit në kapital, që do të ndihmonte biznesin të vazhdonte aktivitetin gjatë kësaj kohe.