• |
ide | kryesore

Shaw tregon ‘të çmendurin’ Ibrahimovic: “Nëse humbnim në stërvitje donte të të vriste”

Sport



Luke Shaw nuk ka harruar një prej shokëve të tij të skuadrës, që vazhdon të jetë ndër më të përfolurit për karakterin e fortë. Direkt në Twitch për një turne bamirësie të Fifa, mbrojtësi anglez ka folur për Zlatan Ibrahimovic e eksperiencën me suedezin kur ishin shokë skuadre tek Manchester United: “Ishte një i cmendur, por ishte ekzaktësisht ai për të cilin kishim nevojë në dhomat e zhveshjes. Është e pabesueshme, kishte ende një talent të jashtëzakonshëm pavarësisht se i kishte kaluar të 30-at, ishte ende lojtari fantastik që ka qenë gjithnjë. Brenda dhomave të zhveshjes ishte madhështor. Bënte gjithnjë shaka, por kur ishte momenti të vepronim seriozisht e kuptoje menjëherë”.

“Mendoj se është një fitues i lindur – vazhdoi Shaw -. Edhe në stërvitje, nëse ishe në skuadrën e tij e nuk fitonte do të kishte dashur të të vriste. Mendoj se gjatë eksperiencës së tij këtu nxorri më të mirën e të gjithëve, edhe në stërvitje. Besoj që të gjithë e deshën dhe ishte dëshpërues fakti që u dëmtua në kruciat”.



Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *