Çdo ditë, ose thuajse, polemika në aksin Romë – Torino është e nxehtë dhe e zjarrtë. Zëdhënësi për shtyp i Lazios, Arturo Diaconale, i cili ka pjatën e preferuar të menusë së tij Juven (konkretisht Ronaldon) hedh në tavolinë akuzën e re: “Ekziston një vijë në qendër me një konformitet të bazuar në paragjykimet anti-Lazio – ka akuzuar ai në Radio 6 – kjo më shtyn të bëj një teori. Të gjitha mediat lëvizin në unison për të kritikuar Lazion dhe presidentin Lotito. A nuk është rifillimi i stërvitjes një humbje për Lazion? Humbje për ne? Jo! Pozicioni i Lacios gjithmonë ka qenë në favor të rinisjes së kampionatit, të bërë në siguri të plotë dhe fakti që praktikisht po fillon përsëri është një fitore. Pikërisht në ditën kur kryeministri Conte vendosi një rinisje të mundshme pas 3 majit, të gjithë thanë që seancat stërvitore do të fillojnë përsëri më 4 maj” shkruan zëdhënësi lacial, agresiv kundër bardhezinjve, me të cilët Lazio sfidohet në fushë për titullin kampion.
“Përshtypja është se ka pasur pak favorizime. I referohem lojtarëve jashtë vendit, të cilët do të kenë mundësinë të kthehen dhe të rifillojnë stërvitjen si lojtarët e Lacios. Por me një ndryshim, ata të bardhekaltër qëndruan në shtëpi, kurse në vend të kësaj nga Portugalia unë pashë disa imazhe të shkëlqyera të stërvitjes së Ronaldos në një fushë të bukur futbolli. Ata u trajnuan të qetë jashtë vendit, ne nuk patëm mundësi. Por unë mendoj se ata bënë mirë, futbollistët profesionistë duhet domosdoshmërisht ta mbajnë trupin e tyre në aktivitet. Le të themi se të tjerët kanë qenë pak më të përparuar dhe të avantazhuar. Por tani nuk dua të bëj polemikë të mëtejshme”, përfundon Diaconale.