Edhe në kohë karantine, vështirë të shohësh të pushojë Cristiano Ronaldo. Stërvitja e kampionit portugez, sidoqoftë, këtë herë nuk është në palestër apo në ushtrime me top. CR7 ka postuar një foto që e tregon përpara një blloku dhe një stilolapsi, me një mesazh motivues për ndjekësit e tij: “Sfidoje gjithnjë veten, për mua sot është koha të studioj”. Ndoshta po përgatit terrenin për një karrierë të ardhshme, nuk i dihet. Për momentin studimet e Ronaldos janë një mister. Cristiano po kalon kohën e izolimit në shtëpinë e tij në Madeira, në pritje për tu rikthyer në Torino e, nëse do të jetë aprovimi, të rikthehet të stërvitet me Juventus.