Në pritje të kuptojë nëse tratativa me Barcelonën për Lautaro Martinez do të përfundojë me sukses, Inter ka nisur të shohë përreth për një alternativë të rëndësishme për argjentinasin. Në tavolinën e Beppe Marotta, shkruan Gazzetta dello Sport, kanë përfunduar emrat e katër lojtarëve të rëndësishëm që mund të bënin të lumtur Antonio Conte: Timo Werner, gati të largohet nga Leipzig në fund të sezonit, Anthony Martial i Manchester United, talenti i Lille Victor Osimhen e madrileni Luka Jovic. Këtyre mund tu shtohet edhe Pierre-Emerick Aubameyang, që gjithësesi nis më i disfavorizuar në listën e zikaltërve.
Njerëzit e merkatos zikaltër kanë nisur prej kohësh të marrin informaacion mbi zëvendësuesit e mundshëm të argjentinasit. Emri i parë në listën e Marotta është ai i Timo Werner, lojtar që shënon shumë e që i pëlqen Antonio Contes. Problemi është se sulmuesi i Leipzig, në skadencë në 2023, është prej koësh në shënjestrën e Bayern Mynih, por ndiqet gjithashtu edhe nga Jurgen Klopp e Liverpool i tij. Kështu, konkurenca është e madhe e kjo mund të rrisë ndjeshëm koston e kartonit të lojtarit muajt e ardhshëm. Werner për momentin ka një klauzolë pre 60 milionë, që skadon në 30 prill.
Sulmuesi teorikisht më lehtë i arritshëm është Luka Jovic. Pas blerjes së fuqishme të merengues, sezoni i serbit ishte i dështuar dhe shumë shpejt sulmuesi mund të deklarohet jashtë projektit të Real Madrid. Në fakt Blancos e kanë ulur vlerën e lojtarit sa mund të marrin në konsideratë edhe një huazim me të drejtë blerje. E megjithatë, bëhet fjalë për një vlerë prej 50 milionësh.
E njëjta shifër edhe për Anthony Martial, që ka një situatë ndryshe. Një vit më parë sulmuesi i United ishte një tepricë, por sot është bërë me rol qendror për lojën e Solskjaer. Kjo gjë natyrisht nuk është në favor të atyre që kanë hedhur sytë nga sulmuesi. Conte, duke patur parasysh aventurën në Premier, e njeh dhe e vlerëson francezin. E ndoshta mund ta bindë të ndryshojë ambjent. Por pavarësisht raporteve të mirë mes klubeve, negociatat me Manchester nuk janë asnjëherë të lehta.