Novak Djokovic, Roger Federer e Rafael Nadal kanë bërë bashkë një seri propozimesh për tia paraqitur ATP-së për krijimin e një fondi mbështetës për kolegët e tyre në vështirësi. Nëse Shoqata e tenistëve profesionistë do të akordojë një milion dollarë për të ndihmuar lojtarët e klasifikuar mes vendeve 150° e 400° të renditjes, treshja më e mirë e botës propozon një kontribut ekonomik për ata që zënë nga vendi i 250 në të 700 në klasifikimin botëror.
“250 lojtarët e parë (të paktën pjesa kryesore e tyre) kanë luajtur këtë vit në Australian Open, që i garanton atyre një sasi parash – ka deklaruar 32 vjecari serb Djokovic, presidenti i këshillit të lojtarëve, në letrën e tij – Është përtej vendit të 250° që bëhet lufta e vërtetë financiare e këta janë lojtarët që duhet të ndihmojmë. Shumë prej tyre po mendojnë të braktisin tenisin profesionist sepse thjesht nuk mund të mbijetojnë ekonomikisht. Fatkeqësisht, ka shumë lojtarë në grupin mes vendeve 250° e 700° që nuk mbështeten nga federatat apo që nuk kanë sponsor. ATP ka rreth 700 anëtarë e duhet të mundohemi ti ndihmojmë të gjithë. Janë baza e tenisit dhe sportit profesionist”.