Disa prej emrave më të mëdhenj të muzikës bashkuan forcat dhe performuan nga shtëpitë e tyre në nder të punonjësve të shëndetësisë në mbarë botën, në një koncert “live” që zgjati rreth 8 orë. E organizuar nga Lady Gaga dhe me pjesëmarrjen e më shumë se 100 artistëve, që nga Paul McCartney, Billie Eilish, Taylor Swift apo The Rolling Stones, në këtë shfaqje që u transmetua dhe në televizionet amerikane, u treguan po ashtu dhe histori të vërteta të njerëzve apo mjekëve që po përballen me Covid-19.
Të gjitha fitimet që u mblodhën nga kjo shfaqje, rreth 127.9 milionë dollarë do të shkojnë për fondin e quajtur “Covid-19 Solidarity Response”, megjithatë Gaga bëri me dije se qëllimi i kryesor i saj ishte argëtimi dhe mesazhi i solidaritetit. Artistët që kënduan ishin të shumtë, kryesisht cover-a të këngëve më të bukura dhe himneve të shpresës dhe paqes, ndërkohë që pati diskutime dhe rreth politikave që po ndiqen apo problemve të shëndetit mendor që njerëzit mund të kenë këtë periudhë.
Pjesa e parë e koncertit, rreth 6 orë, u transmetua live në “Facebook”, “Twitter dhe “Youtube”, ndërkohë që pjesa kryesore prej dy orësh u transmetua njëkohësisht në televizionet më të mëdha të SHBA-ve dhe jo vetëm. Ata që drejtuan spektaklin nga shtëpia ishin moderatorët Stehpen Colbert, Jimmy Kimmel dhe Jimmy Fallon, ky i fundit performoi dhe këngën “Saftey Dance”, së bashku me grupin “The Roots” dhe disa punonjës të shëndetësisë që gjendeshin në spitale, në vijën e parë të betejës.
Këngëtarë të tjerë ishin Sam Smith, John Legend, Celine Dion, Beyonce, Rita Ora, Elton John apo Andrea Bocelli. Këto janë disa prej pjesëve të performancës: