Pas më shumë se tre muajsh largim, 104 ditë saktësisht, Wuhan Zall, skuadra e qytetit kinez epiqendër e pandemisë së Covid-19, është kthyer në shtëpi. Lojtarët e stafi kanë mbërritur në stacionin kryesor të qytetit me një tren super të shpejtë që vinte nga Guangzhou. I kanë mirëpritur teknikun Josè Gonzalez e futbollistët, të gjithë me maska, qindra tifozë që kanë kënduar në nder të skuadrës, duke i dhuruar edhe lule idhujve të tyre.
“Pas më shumë se tre mujash nëpër botë, më në fund grupi i Wuhan Zall ka vënë këmbë në qytet – shkruan një zëdhënës i klubit -. Tani lojtarët vendas do të qendrojnë disa ditë me familjarët e tyre, që nuk i kanë parë prej kohësh, e të cilët i falenderojmë për mbështetjen e tyre”.
Nga e mërkura e ardhshme, 22 prill, Wuhan Zall do të kthehet në stërvitje, edhe pse nuk është saktësuar ende data e rifillimit të Chinese Superleague. Zall po përgatitej për kampionatin në shtëpi e më pas në Guangzhou kur, për për shkak të shtrirjes së infektimit dhe kufizimeve të bëra, në fund të janarit vendosi të fluturonte në Spanjë, në Malaga, për të vazhduar aty përgatitjet, pavarësisht mosbesimit fillestar të spanjollëve: “lojtarët e mi nuk janë bartës”, u detyrua të thotë Gonzalez.
Por me mbërritjen e koronavirus në Spanjë, skuadra e Wuhan vendosi të kthehet në shtëpi, ku të dhënat ishin në rënie të dukshme. Mbyllja e kufirit iberikë e anullimi i shumë fluturimeve bënë që skuadra të qendronte në stand by në Gjermani para se të merrte avionin për Kinë. Kur mbërriti në Shenzen, i gjithë delegacioni i Zall u futën në karantinë për tre javë, përpara se të spostoheshin në Foshan, për të rifilluar stërvitjen. Vetëm një ditë më parë Zall u lejua të merrte trenin për Wuhan, me 11 milionë banorë, ku tani është festë për kthimin e skuadrës në qytet.