“Në këto ditë komiteti teknik shkencor po takohet me Federatën italiane të futbollit (Figc) për të diskutuar për protokollin. Nëse do të gjendet një mirëkuptim, atëherë stërvitjet mund të nisin e ndoshta edhe kampionati. Përndryshe do të jetë qeveria që do të dekretojë mbylljen e kampionatit. Do të marrim përgjegjësitë tona, do të bëjmë të mundur që futbolli të ketë sa më pak dëme të jetë e mundur”. Kështu është shprehur Ministri i Sportit, Vincenzo Spadafora, në ‘Mi manda Raitre”.
“Jemi në pikën në të cilën duhet të japim një apel për Lega Serie A për të mbyllur polemikat e përplasjet. Unë mendoj që futbolli duhet të jetë një mjet loje, pasioni, e jo të na ndajë”, ka bërë apel Spadafora, para se të japë paralajmërimin e fundit për Federatën. Pa mirëkuptim mbi protokollin për sigurinë e lojtarëve për rinisjen, do të jetë Qeveria – si ndodhi në Francë – që do ti japë fund sezonit. Në rastin më të keq do ndodhë ajo që dyshonte presidenti i Figc, Gravina, që vetëm të mërkurën në mbrëmje deklaroi “nuk do të firmos, por për mbylljen e kampionatit do të na imponohet Qeveria”. E kështu do të jetë pa akord…